.
.
.
.
.
[ نحن كائنات طفيلية .. ! ]
في أحد أروقة الجامعة جلست أنا و أحد الأصدقاء وهو دكتور في قسم اللغة العربية ..
تحدثنا عن الأدب .. ونظرية التلقي .. وكسر حاجز أفق التوقع .. والعلاقة بين الكاتب والقارئ ..
حيث أجمع النقاد على أن تعريف نظرية التلقي .. هي العملية الأدبية عبارة عن مشاركة فعالة ..
بين المبدع والقارئ .. النص والمتلقي .. فالفهم الحقيقي ينطلق من موقع المتلقي ..
باعتباره المستقبل للنص والمستهلك له .. فقاطعت صديقي قائلاً ..:
هل تعلم أننا كائنات طفيلية .. ؟!
ضحك صديقي بصوتٍ مرتفع .. وقال .. :
شو عم بتكول يا زلمه .. هالسع احنا كائنات طفيلية .. شوو هالسوولافه
- أنا .. :
بلا شك .. !
- صديقي ..:
يا زلمه .. بديش توجع لي كلبي .. هالسع كنا بنتكلم بعكلانية .. شوو بلشنا تيااسه ..
- أنا .. :
هالسع عملية التلقي .. مش عملية يدخل فيها كل من الكاتب والقارئ .. وإلااا .. ؟!
راح بووخذك هالسع للوراء شووي .. بتتذكر معي أيام الدراسة .. أيام ما كنت بتتصرمح
مع رفكاتك .. يوميتها كدحتك ميمتك بالكندره كدح .. وقالت لك بدناش صرمحه وله ..
من هون عالمدرسة ومن المدرسة عالدار ..
- صديقي .. :
مش مسدك حالي .. باينك كنت معنا ..
- أنا .. :
هالسع بشرح لك .. في ايشي اسمه طفيلي .. هاظ الطفيلي من جماعة الطفيليات ..
هي عبارة عن كائنات حية تعيش وتتغذى على كائنات أخرى حية .. تسمى المضيف
أو العائل حيث لا يمكن لها الحياة أو العيش دون مضيف أو عائل .. وهنالك أنواع عدة
من الطفيليات لكن بديش أحكي عنها .. كوني مش مختص .. لكن فيني أكولك ..
في السابق يقولون أن الشعر غالباً ما يكتب لـ .. حزن أو طرب أو شوق أو
غضب .. وهوون بيت الكصيد .. هاظ المتلقي عامل زي الطفيلي يتغذى على ألم
وحزن الكاتب .. أو ما يسمى المضيف .. قد ما بيكون الكاتب حزين ومتألم .. راح
يبدع أكثر .. وبالتالي يستمتع المتلقي أكثر فأكثر ..
هالسع تخيل معي شاعر سعيد ومبسوط .. وحبيبته حدُه .. لشوو بدُه يكتب ..
فش ألم أو حزن جوااته .. وهيك بيموت الطفيلي .. عفوا المتلقي ..
- صديقي ..:
ههههههههههههه شو هاظ .. يخزي العين يا زلمه .. واللهي إن تفكيرك بكتيري .. ورأسك معوشب بالفيروسات ..
[ ... الفكرة ... ]
القارئ كائن طفيلي يتغذى على ألم وحزن الكاتب وتربطهما علاقة طردية ..
فكلما زاد ألم وحزن الكاتب أثناء عملية الكتابة .. زادت لذة ومتعة القارئ أثناء القراءة .. !
