شالعشا ؟!
سمبوسة !
و الحلو ؟!
بسبوسة !
لا ما ودي ... لا ذي و لا ذي !!
بس بحضور القمر ... ناكل سمبوسة و بسبوسة !
قالوا و القمر شكو بعشانه ؟!
القمر ما ياكل حلو ...!!
القمندة بالقمر ... القمر اهوه الحلو ... يعطينه السمــ بوسة و البســـ بوسة ...
شكله ما يحتاج مسحة ... الكورونا اشتغلت و مفعولها بان ...
حرارة ... و آآتشووو ... و الخشم أحمر و سيلان ...
محجورة محجورة ... ألو طلبات ... ألو طلبات ... هاتلي مسحة منزلية ... و معاهم كبب مقلية !
وشفيك على بطنك يا منال ... ارحمي تامر يا وليّه ...
حرارة و عطاس و خلصتي علبتين المحارم ... اهمدي شويّه !!
نامي ... جسمك هلكان و مخك تعبان و عقلك ترللي و كلّك طفشان ...
أعمل لك بابونج ... حليب زعفران ؟!
تاكلي موزة و طاسة رمان ؟!
لأ ...
بسافر ... حتى لو عمان !
هناك أنحجر ...
و أشوف لي ساحر يبطل سحر القمر ...
و آكل حلوى مسقطية و أتبخر باللبان ...
لا بالله جنّيتَي ...
أقول قومي خمدي ... و اذكري الرحمن !