[محمد الغشام]

للأمانه مُتقاربه بنفسيْ مِن ناحيْه الذوق
رغْمْ أنيْ أرى أن الذي سأختاره أفضل بقليل ,
كتصوير وابداع





رأي يحتمل الصواب والخطأ

(يـا ليـل خبرنـي عـن أمـر المعـانـاة

هـي مـن صمـيـم الــذات ولاّ اجنبـيّـه

بيـتٍ رسـخ بالذاكـره ضـمـن الأبـيـات

للشـاعـر الـلـي طرْقـتـه (فيصـلـيّـه

وأنــا تـأمّـلـت بمعـانـيـه بـسـكـات

ثـــمٍ تعـمّـقـت بـفـصــول الـقـضـيّـه

وقلت (العنا) جرحٍ مـن الـذات للـذات

والـلـي يـعـانـي عـلـتـه داخـلـيّـه

والآدمــي يغـريـه بُـعـد الطـمـوحـات

لــو كــان مـالـه صوبـهـا مـقـدريّـه

يعـنـي : معانـاتـه سببـهـا مـلــذّات

وطمـعـة نُـفـوس .. وغـايـةٍ دنيـويّـه

لا مـدْ كـفّـه للـزمـن قـايـلٍ : هــات

وعـيّــا زمـانــه لا يـمــد العـطـيّـه

كـن صابتـه مـن جـور الأقـدار مأسـاة

وحـظـه عـثـر مــن دون كــل البـريّـه

صـدره يضيـق .. وتـذرف العيـن عـبـرات

ويْـتـوه فـكـره بـيـن روحــه وجـيّــه

لـو قـال : ذا تدبـيـر رب السـمـاوات

آمـنـت بــه والـلـي يـقـدّر عـلـيّـه

كـان اسـتـراح وغمّـضـت عيـنـه وبــات

ومــا فتّـحـت عـيـن الهـمـوم الشقـيّـه

ولـو هـو رمـى ضيقـه مـعَ فايـتٍ فـات

مــا عــاش نـفـس الضيـقـهْ الأولـيّـه

يا ابن آدم إقنع .. خير كنز القناعات

إن الحـظـوظ أقـسـام حـسْـنـه وسـيّــه

والوقـت لعبـه .. والليالـي متـاهـات

والعـاقـل اتقـدّيـه بـالـدرب نـيّــه

واليـاس يِدفَـن بالحيـا ضمـن الأمــوات

وأكبـر خطـا .. فـي دفـن الآمـال حيّـه.

كل الشكر أخ خلف المهيلان
عاطِر التحايا