[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يلعنج ياليلة جفى ويلعنك ليلٍ سرمدي = ويلعنك ياقلبٍ ردي وش هالذي طراك له
ياليلة الشوق إرفقي هالحزن وصلني إجهدي = أمست عظامي بالخفا من هالجفى متواكله
تسريبي الذكرى وأنا ماعدت أميز مشردي = وأضحت همومي للحشى تشرب معه وتواكله
الحزن عم المنطقه والحل ماعاد بيدي = الصبر مافاد الصبر مير إطلب الله إدعاك له
دمعة حزن في صمتها بشويش لخدودي تعدي = سكين يجرح وجنتي دمعي على هالشاكله
نارٍ تشب بداخلي والجو ياناس إبردي = يلي تدورلي العنى وش هالذي وداك له
ياقلب طاريه إسفهه طالبك تكفى يابعدي = والله ممنونك أنا كانك تكف ممشاك له
ياقلب تكفى تتركه ياقلب إنت الي سندي = ماعاد ينفعك الوله وإلا كثر شكواك له
برتاح من همي أنا مابي تعكر مرقدي = ياقلب كل هذا الحزن منهو الذي ولاك له
ياقلب وقف كالأسد من غيرك الي مُنجدي = إبعد عن دروب الهوى ماينفعك مسعاك له
ودي تعيش بهالزمن لحظة فرح فيها سعدي = وتنسى معاها ونتك ياقلب وأنسى عواك له
وبعد الظلام الي سطى تمشي بطريقك مهتدي = وتلقى الأمل بعد الألم أقصى همومه إرضاك له
وأمشي على جال القمر وأرافق إسهيل وجدي = وأنسى همومٍ عشتها مع ليل طاب إغناك له
وأسلى بعد ذاك الحزن مع ليل يطلع أجودي = وتغفى عيوني بالخفا من هالجفى ومشاكله[/POEM]