[عقيل المنيس]

اخواني واخواتي الأعزاء لقد حاولت ان اكتب قصيدة للمقاومة اللبنانية طوال شهر كامل وكل ما كتبت عدة ابيات امزقها
لانني اجد انها لم تفي باغرض لان الاحداث التي تجري اكبر من اي كلام فعندما ارى اشلا احد الاطفال او النساء او الشياب او احد المقاومين الابطال تتقزم كل الكلمات .ولكن بعد ان انتهت المعركة بنصر العرب ممثلا بحزب الله ومن وقف معه من العرب الشرفاء والاصدقاء الاخرين كتبت هذه الابيات المتواضعه لعلها تعبر عن القليل لما يجول بخاطري .
.................................................. .................................................. ...........................
أبطال بنت جبيل
[POEM="font="Simplified Arabic,5,blue,bold,normal" bkcolor="blue" bkimage="./images/backgrounds/4.gif" border="groove,6,gray" type=1 line=1 align=center use=ex num="0,black""]أهني الإسلام بالنصر العظيم = اليوم صرنا ننحسب بين الأمم
أبطال بنت جبيل بالليل العتيم = مكانهم عالي على روس القمم
وجنوب لبنان الجريح أصبح حطيم = بنيه ومشروعات سووها عدم
لكن جهاد أهل الجنوب أصبح خصيم = لأعتى سلاح الأرض بالعزم إنهزم
وتحية الإسلام للرجل السليم = من حسن نصرالله اليا راع الغنم
مية نعم من قلب وإحساس مهيم = لو كان بعض احيان يعصره الالم
يكفخ يبي يفزع ومحلول البريم = بالدرب قدامه يجي مية لغم
هل يستوي العقل المفتح والسقيم = ياهل العقول الراجحه مية نعم
حنا نجحنا في صناعات الكريم = وأنتم نجحتوا في ملاقات الحمم
وحنا كسبنا بالمشيقح والطخيم = وأنتم كسبتوا من كفر شوبا سهم
وحنا كسبنا فلس من مال اليتيم = وأنتم كسبتوا خير من حمر النعم
وأنتم مشيتوا بالطريق المستقيم = وش عاد لو كان السلاح من العجم
واللي تبرع في دنانيره كريم = لكن كرمكم فوق كل اهل الكرم
واللي جعل موسى من عباده كليم = انتم رفعتوا روسنا فوق العلم
علم صلاح الدين بالعهد القديم = هذي بشاير نصر والباقي اهم
والطق يا زدناه ينفك اللحيم = هيّا ما دام الناس من دم ولحم
يا أمة المليار هل فيكم فهيم = قبل تجف الصحف ويشال القلم
باقي علينا نصرة الحق المديم = والحق ما عمره على إثنين إنقسم
غزة ورام الله يصالون الجحيم = والقدس من فعل الطواغيث انهدم
واطفالنا تذبح ويسبون الحريم = من ضلمهم يهتز بنيان الهرم
ناس .ن. تحط اللي يحاربنا حميم = ما صاحب المسلم رجل عابد صنم
وإن كان قلتوا لي ترى بالجو غيم = اقول انا رجال مسلم محترم
بلسان اهل حايل وثلثين القصيم = ياقال قايدنا نعم قلنا نعم
في راي ابو متعب ونعمين الزعيم = حنا تحت رايه على ساق وقدم
هو قائد الاسلام يا شب الهشيم = وهو فارس الميدان ياخبث النغم
وهو كافل الشياب والطفل اليتيم = وهو خادم البيتين طيبة والحرم
وبالختم عطفك يا غفور ويارحيم = اليوم صرنا ننحسب بين الامم[/POEM]



عقيل المنيس الشمري الاثنين 14/8/2006