كرسيّنـا / الريفـــي !

[هنادي المطيري]

،


[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عطيت الوصل من كيف الهوى ماهو على كيفي =وأنا – بنتٍ – كفلها ربّها وعيون واليها


ترى ليلة تجمعنا .. على كرسيّنا الريفي=إلى هالآن ! ما راحت عن عيوني : ثوانيها


حضرت اشري رضاك وكنت بيّاعه تكاليفي=عبرت حدود ماعمره خطر فالبال اعديها


عشان عيونك اللي فالعرب تسوى مواليفي=وعشان خويطرٍ عندي بهالدنيا ومافيها


تسلّفت الجنون جنون واعطيته تعاريفي=رهنت العقل بيدين الثبات وقلت : صونيها


وسقت الدرب في عيني أمان يضم تخويفي=وفي يدّي - كذا رجفــه – تهاديني واهاديها


قرصني برد ليلتها مع انّه جونا صيفي=نفضني زمهريرٍ ما عرفت منين جا فيها


وشفتك جيت يا نبع الطهر وأطيب سواليفي=خذيت الخوف والبرد ويديني من – اياديها -


هلا كثر الغلا اللي جابني لك من مشاريفي=وصافح بسمةٍ جعلي فدى خطوات راعيها


عطيتك وصل من كيف الهوى ماهو على كيفي=وصدقني _ انا بنتٍ – كفلها الله وواليها[/POEM]

دمتم / بود ،