عـبـث !!!

[مشعل دهيم]

[POEM="font="Simplified Arabic,5,black,bold,italic" bkcolor="silver" bkimage="" border="none,5,gray" type=2 line=0 align=center use=ex num="0,black""]
كنت أعبث فكانت ....


عبث كنت أحاول والعباد رقود = أنام وتعانق بعضها جفوني

وليلي .. سرى البارح سهر ياسعود = كأن السّهر سهران بعيوني

بسولف .. ولاني خايف المنقود = يلومون وإلاّ مايلوموني

أحس بحنيني بالحنايا ذود = وأحس ‘نتظاري زاد بطعوني

وأحس الفرح في داخلي موءود = وأحس الحزن ناسٍ يعذلوني

وأحس التّعب فيني بدون حدود = وأحس الشّعر ماجاب مكنوني

وجيتك .. عسى ذيك الهموم تهود = أبرتاح لاتسألني شلوني

أنا لوني غياب وبقايا وعود = وأصحاب أذكرهم .. وينسوني

أنا وافيٍ ماخنت أبد بعهود = ولكنّهم بالضّد جازوني

أنا زارعٍ وصل وجنيت صدود = أنا كنت أظن وخابت ظنوني

أنا مرّني ليل السهر ياسعود = وتركبي سهره ونام بعيوني[/POEM]