حمامة الطيبة ...

[بسام محمد]

أعتذر لكم عن الغياب ... اللا إرادي ...

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يستهلكني حـزن دمعـات الأحبـاب=لين اكتشفت إن لحظـوري ضريبـه
وأخوض هذا البحر من دون جلبـاب=وأسرق من أحلامي عيون الغريبـه
ياللحن صوتي صوت وأحلامي أغراب=والطهر راس وغـدر الأيـام شيبـه
وأمي معي حازت على كل الألقـاب=حمامة"ن" عاشت على غصن طيبـه
وأوجاعها تذري على حلمـي تـراب=والرمل تحت أقدامهـا نحتفـي بـه
وجزئين كائن داخل إنسـان مرتـاب=عاش"ن" معاه وزاد"ن" القلب ريبـه
إنسان عايش بس لعيون الأصحـاب=وإنسان عايش لجل يرضـي حبيبـه
مخذول كثر الأرض ماشالت رقـاب=مجهول واسمي ما قدرت انتهي بـه
و يحتلني جيش التخـاذل وإذا غـاب=تفجرت في جـوف صـدري كتيبـه
وإن مر يوم مفصل لفخـري ثيـاب=أخاف ثـوب الفخـر ينشـق جيبـه
تعال يالتاريـخ وافتـح لـي كتـاب=وإلا اقرني شاعـر يمـوت بنحيبـه
يمكن تكف الكف عن طرق الأبـواب=وأكون أنا اللي يستره نفـس عيبـه
وإلا أنا في كـل الأحـوال منصـاب=مصيبة(ن) تقفـي وتقبـل مصيبـة
[/poem]