كنت [ عيد ] .. !!

[مشاعل الدوسري]

.

صباحكم خير ..

مالقيت ابهت من ألوان العناد
والخريف اللي خذا أوراقي وعاد
ليه عاد؟
مابقا فيني من الماضي جروح
غير روح
متشائمة وباقي رماد


والغريب إني من الماضي البعيد
كنت ( عيد )
وكانت أيامي على ثيابي جداد
كنت ألملمني من الفرحة وأضيع
ولكن الفرحة حداد
كانت : حداد !!


هي ثلاث أيام ما عنها حديت..
ورابع أيامي لقيت المرّ عاد
في زوايا غرفتي الظلمة بكيت...
وصارت الظلما عوايد في البلاد
وصورة الدمعة تراها في كل بيت..
بيت .. بيت ..
حتى بيتك صارت أسواره جماد ..
شوف قلبك صارت أوراقه جماد..
لمحة عيونك .. وابتساماتك .. جماد !
وإنت ما تدري عن الماضي وجيت !
ليه جيت ؟!

كانت أيامي بدت تمطر بخير ..
كل عام وقسوتك دايم بخير..
كل عام و[ ديرتي دايم رماد ] ..!!

قرّب الفصل الأخير :
تبّت يدينك قلتلك عمري قصير ..
تبّت يدين الوقت ..
كافي يا بعاد .. !!

مشاعل الدوسري ..

.