(( افـــتــح يــاســمــســم ))

[مزيد المزيد]

قصيده اتمنى ان تعانق قلوبكم الطاهره قبل ان تعانق اقلامكم ....

.
.
.
.
.
.
.
.
.
.
.
.
.
.
.

[POEM="font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]افتح ياسمسم .. جيت ادور لي احباب = عدنان انا .. وابحث عن ديار لينه

تايه وادور من ورا فكري ابواب = او لا ..ادور من نجى بالسفينه

قلب" كفر في عالم العشق ماتاب = وش دخل احساس البشر بالضغينه

لينه .. فتاة ً باول العمر ترتاب = تخاف لاسمعت ضجيج المدينه

لينه .. يتيمه مالها اصحاب واقراب = لينه .. بريئه بس دايم حزينه

من مات ابوها بعينها موتة كلاب = قدامها ذاق القهر والغبينه

وفزعة اخوها بين صادق وكذاب = لحق ابوه ودمعته وسط عينه

هي تدري انه مات والعمر به غاب = وهي تدري انه مات عالي جبينه

لكن بقى في قلبها لوم وعتاب = تمشي شوي .. شوي وتقول وينه

وينه زمان العز وش جاب لاجاب = مابه طمانينه ولابه سكينه

لينه .. بكت تحت الخطر بين الاجناب = تكسر يدين اللي تمادت يدينه

في صوتها جرح" بكى موت الاشناب = (( زئير ليث" )) ولعوا في عرينه

سمعتها تقول : خاب الرجا خاب = وان كان فيكم حرّ يرفع يمينه

اقفى بها عبسي ولاحسب حساب =شاف الزمان اغبر وغبر سنينه

راح يتمخطر واحترامي للاصحاب = ماغير شجب وبالخفا محتمينه

لكن محال يدوم هالحال لو شاب = راس الطفل يجيه من هو يهينه

يالينه وينك.. منتي بــ صفحة كتاب= انتي حقيقه والملا خابرينه

مايضيع حقك دام للحق طلاب = طال الزمن ولا قصر تاخذينه

وبكره يجي عدنان يــا أولو الالباب = ويفّرح اللي زاد همه ونينه[/POEM]