بقايا رحلتي

[أنور السيفي]

السلام عليكم ورحمة الله وبركاته


للقاء ألوان أجملها السعادة

وأنتم لكل محطة هناء وعافية

تحية وتقدير



دام الوفى ماعاد له عندك قدر ولّا مقام
خليّ الظروف اللي لفت بي من سنين تودني

أكبر مبادي العاطفة صدق ٍ يعانق له خزام
والنجم هاجوس ٍ تمنى له رفيق ٍ ودنّي

مابجبرك تقرا بقايا رحلتي بين الغمام
والوقت لو طوّل مصيره لك بيوم يعدني

أجمل محطاتي لقيتك أعترف كلّي غرام
واصدق تعابيري نهيتك ياشعور ٍ هدني

إن كان تبنيني علاقة قصرها يصبح حطام
وشلون طاوعته طريق ٍ لك بيومٍ شدني

آسف يغنيها قصيد ٍ لك جمع مدّه حمام
واليوم ألحانه سقاها من معين ٍ سدني

 

[رشا عرابي]

وعليكَ ومنكَ وإليكَ السلام أيّها الشاعِر الألِق

إن كانَ للشعر منابِت زهلر فَمن مَعينِ يَراعِك سُقياها

أجمل محطاتي لقيتك أعترف كلّي غرام
واصدق تعابيري نهيتك ياشعور ٍ هدني

صافحَتْهُ المآقي عنوة

حفظك الله يا أخي
تحايا عِطرها جوري

 

[عبدالإله المالك]

رائع بوحك
يا أنور

هنا نجد للشعر معنى

شكرا لك