................... ما تبغـاه سـوّهـ !!

[ثاني الدهمشي]

مشاركة فقط ..






يا سبب ثورة حنينٍ ما هدى
..........................ارجع وهوِّن عليه مصـيبته
لا بدى منّي ولا منـك ردى
..........................الردى بالحـظّ وبتركـيبته
ما لدمع العين نفع ولا جدى
..........................دام غاليها تعـمّد غـيبته
وما لقلبي بعد ماضاع وغدى
..........................دربٍ لصدري بسبّة طـيبته
العنا والحزن والهم اعضدى
..........................وكلهم حبي نووا تخـريبته
والفؤاد اللي بقـسوتْه ابتدى
..........................وحدك القادر على تـذويبته
ومشكلة صوتي ليا عوّد صدى
..........................ينجبر سمعي على تكـذيبته
والله ان طاريك لا مرّ يْحدى
..........................ثاني لموته قبل تصـويبته
أقبل بوصْلٍ مثل قطْر الندى
..........................وابشر بخفّاقي وترحـيبته
والهنا لو كان في..أبعد مدى
..........................دام فيه رضاك؟؟تسهل جيبته
ولا نطقت وقلت كلي لك فدى
..........................بالك المشغـول ودّع ريبته
لا يروح الحب ذا كلّه سدى
..........................واكبر الآمال يعلن خـيبته
وانت ما تبغاه سوّه ما عدى
..........................ما كتبته فيك تكسر هـيبته


:

وسلامتكم ...

 

[مشعل الوسّامي]

[POEM="font="Simplified Arabic,4,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ومشكلة صوتي ليا عود صدى = ينجبر سمعي على تكذيبته[/POEM]

رومانسي كما عهدتك ........

وعذب .........

ورااااااااااااااااااائع
:079:

صح قلبك .....


لك الود ....... وباقة ورد

 

[شوق]

رائع انت دائماً

قصيدة جميلة بحق

كل الود لك

أختكـ/شووق

 

[العـنود ناصر بن حميد]

وما لقلبي بعد ماضاع وغدى

دربٍ لصدري بسبّة طـيبته

.
.

ليت القلوب كلها تحمل الطيبه

ثاني الدهمشي
صح قلبك

ودام تواصلك الكريم

 

[نواف التركي]

ثاني الدهمشي



لغه أخرى وتركيبه أخرى للشعر , ثاني لا يشبه سوى ثاني أسلوب متفرد صياغه متفرده جمال متفرد .


صح قلبك ياثاني

وسلّم على قلبك يا كابتن

 

[سعد مسهوج]

ثاني


لي عودة يا رائع



وكيف لا وانت تشغل الحيز الاكبر من قلبي ..







لي عودة

 

[عبدالله المتعب]

قصايدك للأمانه جزله وتتحفني وماهي غريبه منك ياثاني

......
و صح الله لسانك
....

وعلى الوعد القديم تراني بس شايل بخاطري شوي



تحياتي

 

[سلطان ربيع]

حُبكت ب إتقان
وتسلم ياثاني على هذا العطاء المتجدد
هطول مغاير
عطر ومطر
لك تقديري