حالة شعر - حانة شعر ..!!

[نواف التركي]

يجب أن لا نؤمن بالشعر كثيراً .

.
.
.

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أرواحنا الثرثارة = ملّت حديث الماضي
يا سيّدة هالحارة = تستغربين إعراضي ?
إنتي كما النوّاره = وأنا أمحلنّ فياضي
الحين أنا ياجارة = قانع معاي وراضي
العزلة المختارة = ولا الحضور الفاضي[/poem]

, , ,

[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الشعر حاله وأنا عايش بـ / هالحاله = والناس قفرٍ تحرّى طيحة الصيّب
واللي بيوته تبختر فيه مختاله = ينام عنها مثل ماقال أبو الطيّب
واللي على البال ما مرّيت في باله = الحين لو هو قريّب ماهو قريّب
مابين تدويرةٍ وإقفاي وإقباله = وظنون مرّه تصيب ومرّه تخيّب
هيّلت لي ضحكةٍ للدمع ميّاله = وقهويت عين الرفيق بحالي الطيّب
موت الأجاويد لا منّه غدت عاله = وأنا لو أنّه شعور أحسّه يعيّب
رح قل لبكرة يجي رجلي وخيّاله = ماني من المقبلات السمر متهيّب
يبحث خفاي الزمان ولا تهيّاله = وأشيّبه مثل ما في راسي مشيّب
والأدمي كان ما شابهته أقواله = أحسن له عن الحضور الباهت يغيّب [/poem]

 

[خالد العزاب]

صباح الاحساس والحرف الانيق يالنواف


انا مؤمن بأن الغياب ارحم من الحظور الفارغ

اتفقنا يانواف ؟

طيب

موت الأجاويد لا منّه غـدت عالـه
وأنا لو أنّه شعـور أحسّـه يعيّـب


انت اجمل الجمال يانواف


والقصيده عندما تكون مذيله بإسمك
انا اعيش احساسها

اقسم بالله ..

 

[محمد فرج]

صح لسانك يا نواف
حقيقة دخلتُ هنا حديقة شعر
معزولة بسياج من رقي واعتزاز
تنبع من جوانبها الحكمة والمعرفة .

واللي على البال ما مرّيت في بالـه
الحين لو هو قريّب ماهـو قريّـب

تقبل مروري .

 

[نواف العطا]

السمي نواف
تأكد أن حضورك حضور ليس كمثله شيء
حضور يجمل فبك تحتفي الجزاله والشعر
كعادتك ايها الراقي هنا نثرت الشعر احرف جزال
توشحت بالجمال واكتست بالابداع فكن بخير .

 

[عبدالله العويمر]

هيّلت لـي ضحكـةٍ للدمـع ميّالـه
ـــــــــــــــــ وقهويت عين الرفيق بحالي الطيّب

صُورة لاتُمَلّ أبَدا ً

نواف
شَاعِر يَرُوق ُ لي وأحبّ مايَكْتُبُه بِكُل صِدق

فَرحتُ وأنا أرى هَذا الحُضُور يَانوّاف


جميْل ، وأكثَر

 

[ميــرال]

سعدت بحضورك يانواف
اما الشعر فكثيرٌ كلما اتيت
لقلبك ولحرفك السلام

 

[بندر الصقر]

كان الإسم ( نواف التركي ) خير داعٍ لدخول هذه الحانة ..
وكان الشعر خير مُدام تعاقره الذائقة لتصل الى هذه الحالة من الثمل / الشعر ..

نواف التركي .. حضورك إنصافٌ للشعر ..

 

[صالح العرجان]

أنت راس مال الشعر وأرباحه إجرامك

برايفت/
اليوم حاله تشبه أبياتك