ع ــــــرق النسا !!

[جزاء البقمي]

السلام عليكم ورحمة الله وبركاته

عيدكم مبارك وكل عام وانتم بخير

اليكم كما جاءت .. على امل اجد العذر منكم على تقصيري و غيابي ..

بين النخل و الضيق وعيون الحسا
و الليل قافيني على تصبيحته

غنّى صباح الشعر لعيون المسا
وفاح القصيد اللي تقنّد ريحته

لو كان حاديني من الطرقه اسى
الاّ انشراحة خاطري في سيحته

من عقب ما ابحر ( مركب المعنى ) .. رسا
على ضفاف الليل بانت ضيحته

للي من حلال النواميس اكتسى
غنّت له الورقا على تلويحته

لا باس ياللي من غلا شعبه نسى
جور المرض كله فدا تفريحته

ما خاب رجل ٍ فيه للضيق احتسى
يكفيه من شر الزمان و طيحته

ستر البلاد و حايف الحكم يخسى
من دونه ( الاجرب ) دوا تتنيحته

رمز الشموخ اللي على العارض عسى
يبطي و تبطي فالفضا تسبيحته

من دون وجهه لا اعتزى وقت القسا
يبشر بنا لا ولعّت من صيحته

لو عن غلاته علموا عرق النسا
كان استحى في ذمتي من طيحته

لكم تحيتي