ليــالي حلم,, أنيـن ودمعتيـن وناي,,,

[متعب السبهان]

شوفي انا حزني يغطيه الحنين
نبضي عذابات السنين

والبرد ,,,والريح الحزينة

وانتي

تصاوير الحزن

تبقين في وجهي ابتسامة

تبقين في عمري سنابل

من غياب

:

:

:

:

انا ادري

مهو بيدي ولابيدك

تعتّق هالحزن فينا

وصرنا نكتب الضيقة
وتكتبنا
حنين جمّع طيور النوارس

على ايدينا

مهو بيدي ولابيدك

تموت اليوم ضحكاتك
وتنثرنا الريح ونتبعثر
على سكة منافينا

ونرد نحب

مهو بيدي ولابيدك

 

[متعب السبهان]

[poem=font=",5,,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
باصاحب الحزن مالأحزاننا آخر=دام الليالي تصب البرد بيدينا
لاتذخر الدمع وآتا ماني بذاخر=ولا تسرج الذاكرة ماعاد يمدينا
من عام الأول نعتّق شوقنا الفاخر=كنّي مراكب تعب واحضانك المينا
[/poem]

 

[متعب السبهان]

لو وقفت في اللحظة

عن الترحال,,

ولو فتشت في صمتي

عن الآمال

ترى كله على شانك

:
:
:
دروبي مثل اوراقي,,,

خذاها الشوق للمجهول
دروبي كلها دمعة
انا

دمعة مالقت مرفا
يجغرفني الحزن
واغفى

وترى كله على شانك

 

[متعب السبهان]

[poem=font=",5,,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
بالله قلّي لأمتلى صوتي كسور=وشلون اغنّي للسهر والمنافي
عمر الليالي ماتقول انت معذور=لو تمشي بجمر الغلا وانت حافي
زفرة حنين وذاكرة حزن,,وعطور=وحزنٍ اشوفه ينزرع وسط قافي
طيّرت لك من شجرة الشوف عصفور=عوّد علي راسم ملامح تجافي
انا الفقير اللي ملا وجهي النور=وانا الغني اللي دموعي لحافي
احباب ,,رحنا,,وامتلى صدري شعور=واغراب,,جينا,,, ماندل المرافي
[/poem]

 

[متعب السبهان]

[poem=font=",5,,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]

يانوت ,,نامي وخليني مع حزني=بعض الليالي تموت ولالقت مينا
بالصدر غصّة شقا يانوت تخنقني=وازفر وهم حلمنا واشهق امانينا
[/poem]

 

[متعب السبهان]

ذات حزن وبرد

[poem=font=",5,,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
ماعدت انا مثل ماآنا ياعناويني=من ضيقي احس بإني واحدٍ ثاني
(تكفى على شان قلبي لاتخليني)=آخر كلامٍ زرعه الخوف بلساني
خوفي من الليل لاكسّر جناحيني=وخوفي من الحزن لامن صرت وحداني
هذا حنين المواني ساكنٍ فيني=وهذا قطار العمر مرّ وتعداني
وهذا دفا البرد احسّه بين ضلعيني=يعزف مواويله ويكتب ويقراني
تحسب غيابك بسيط ولايبكيني؟؟!!=لا والله الا شربت الدمع وارواني
ماهزت ظلوع صدرك قولتي ويني ؟!!=خابر مكاني وادوّر يمكن القاني
لو الليالي تحس البرد بيديني=ماكان موتي تمنيته ولاجاني
ولو الكرا بس ليلة يورق بعيني=ماشفت وسم السهر منقوش بأوجاني
زرعت مااحبك ولا عاد تعنيني=وقطفت احبك حبيبي لو تناساني
الموت ماهو ليا من بارت سنيني=الموت طيفك الى من طق بيباني
تكفى ,طلبتك,دخيلك, لاتخليني=ماهي مذلة,, طواري خوف بلساني
[/poem]

 

[متعب السبهان]

[poem=font=",5,,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
ذبل غصن القصيد ولابقى غير السهر يانوت=لك الله يابعد روحي مــ /عادت للشعر قيمة
انا ادري ملاني هالحنين ولابقى بي صوت=ولكن الزمن يدري ,شحيح اصواتنا شيمة
[/poem]

 

[متعب السبهان]

[poem=font=",5,,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
صاحبي والحزن لاعيا ينام=ولوّحت بالذاكرة كف الرحيل
ارسم احساسك على الظلما مدام=خابر ان الليل لاشتّا طويل
صاحبي والليل عدّاه الملام=(دام له ميعاد مازاره خليل)
صاحبي كم لي وانا ماني تمام=اسألك وادري جوابي مستحيل
[/poem]