أنا وآبن عمي!!!!!!

[عادل الدوسري]

جاتني قصيدة في رسالة من أبن عمي سطام الدوسري
أنقلها كما جاتني من دون تغيير وتقول أبياتها

سر ياقلم وأكتب جوابي بقرطاس
عن هاجسن بالقلب تو مابدالي

يامرحبا بك دوم ياطير قرناس
يامرحبا بالي كتبته وجالي

قدرك ترا ياخوك دايم على الرأس
وأنت الوحيد الي له القلب مالي

بالطيب ما مثلك من الناس مجناس
ازريت ألا قيلك شبيهن مثالي

ولا جاء نهارن فيه لجه ومضراس
تظهر فعولك ياكريم السبالي

ولا صار ابن عمي ما أعزه على ساس
دمي ومالي لليهودي حلالي

وكان لزاما علي ان ارد فكان صداي هذه الأبيات

دام البقى باللي جلا كل عوماس
إعداد ما هبت هبوب الشمالي

من خاطر ٍ ما يدخله شور وسواس
في قدر ابن عمه ترى ما يبالي

من لابتي كسّابة ٍ كل نوماس
اللي لهم بالعز شان و مجالي

واللي نصاني لو على قبّ الافراس
من دون حاله سقت مالي و حالي

فزعة رفيق ٍ مالها حد و قياس
ترقى على سفح الجبال العوالي

والطيب خزنه كلها صفّة ألماس
اليوم والا في العصور الخوالي

قلمي/عادل الدوسري