الورد

[زاهي التومي]

[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الورد ما هو بالحدايق مكانه=الورد في خدك و خدك عذابي
يا فتنة الشاعر و حسّه و شانه=يا نوري الساطع و سيرة شبابي
انفاسك الجوري على قحويانه=وانفاسك الكادي و فلّك سرابي
خوذيني لليل الجديل و حنانه=خوذيني لليل العيون وصوابي
وديني لْبحر النواعس امانه=ابي على ساحل عيونك ثوابي
مري بهايم حضرتك وامتنانه=لامن على حمرة شفايفك غابي
يذوق من شهده طعمه و جنانه=يقرا بعيونك جملة الزين ذابي
لا يا كفوفي صدرها وش بيانه=قاعد و يدعي والمصيبه مهابي
والخصر مايل والبلا بميلانه=يميله الغربي وفيه انجذابي
لولا الردوف و ثقلهن في تكانه=يطيح مار الردف بالثقل نابي
ياليل ياليل السمر والميانه=ناده ترى جو السهر حيل طابي
خلّه يسلي خاطري ترجمانه=خلّ يتبسم بالثمان العذابي
يمكن ترى ياليل يبرد زمانه=قلّه يجيني وان تقرّب دفا بي
ينام في حضن ٍ دفا الحب زانه=يامن من اشباحك وفرحه جنابي
ياليل ود العلم تكفى عشانه=والا بلاش انته بودي كتابي
انت بشتا الايام طولك لعانه=تقصر خطاك ومغرم الزين شابي
[/poem]

 

[عبدالله العويمر]

زاهي

صَحْ لسَانك

دُمت بِخير

 

[سعيد الموسى]

حقل ورد !


زاهي يازاهي

 

[حاتم منصور]

زاهي

أرفق بحالي يازاهي

هذا النص ممتع

وجاب بي العيد

صح كلك

ودمت بخير

حـاتـم

 

[زاهي التومي]

عبدالله العويمر

صح بدنكـ

وشاكر لمرورك الكريم

 

[زاهي التومي]

سعيد موسى

تفوح رائحة الورد بمرورك الكريم


محبتي يا جميل

 

[زاهي التومي]

حاتم بن منصور

شاكر لك هذا الاطراء الجميل

تحياتي

 

[نواف العطا]

زاهي
تنثر لك الورود أحتفاء وأجلال
يحق للكلامات أن تزهو حينما
تكون أنت كاتبها . صح لسانك
أبيات جميله وعذبه ودمت بود