dont ignore anything please...! من الضفة الأخرى..!

[محمد عيضه]

لمناسبات عدة

منها موقف شافيز المشرف دائما والآن بالذات ضد إسرائيل

وتحدي أيضا لناس ماخذين دورات انجليزي...!

وأشياء أخرى ...سياسية واجتماعية و.........
.
.دونت اقنور اني ثنق ابليز..!)
:
:
:


ياسلامي بنكهة تـوت وفريـز
خذ حداثة سـلام وخـذ محبـه


يارجال كما الروكي والانديـز
يـوم هـي لاتقـاس ولاتشبـه


ماتضيف على همبرجر تشيـز
ولاتقفل علـى الدرهـم بضبـه


والتحية لكـم مـن دون تمييـز
حاضر وغايب وشيـب وشبـه


والصراحة اذا مافيـه تركيـز
جلسة الشعـر ماهـي مستحبـة


ليش فيروز غنت صبحي الجيز
وليش نانسي تزود نـص حبـه


وليش جنكيز عاش ومات جنكيز
ماطباعة كما اطبـاع الاحبـة


وليش انا لاكتبت اكسر براويـز
مااعرف اكتب غزل والا محبـه


لوتجيني جنيفـر بنـت لوبيـز
مامعي قلب ..هذا القلب صبّـة



ياقـدر حـط للآمـال تعزيـز
لأمـة نايمـه هبنـي منـبّـة


يوم ننسى العرب ونلوم برويـز
عري تفكير فـي فديـو كليبّـه


والعمالة قديمـه حـط ترميـز
تطلـع الترجمـة حبّـه وحبّـه


ويارسول السلام اوصل لشافيز
فنزولا وفـوق الـراس حبـه


تسقط ابطال كرتون وأراجيـز
وانت وقفت لامريكـا واربـه


ميت المجتمع...لوفيـه تحفيـز.
لوبغينا نصـل نصلـك نخبـه


الحرارة صفر بالسنت دقريـز
جامـد لـو تشبـه مايشـبـه


مجتمع ........................
كل اموره علـى وجهـه تكبّـه


وان بغينا الظهور من الدهاليـز
او نقاطـع دول منهـا مغـبـه


ماتعيش النسا مـن دون الويـز
ومايعش الرجال بـدون حبـه


حبة شببـت حتـى العواجيـز
وصفها لول واما اللـون غبـه


ابسط اشيا لهم نرجـع معاويـز
مثلمـا يرجـع المومـن لربـه



خذ كلامي تراه اثمن مالابريـز
اشتره جرح تلقـى فيـه طبـه


(دونت اقنور اني ثنـق ابليـز)
كل شعري غـذا قشـره ولبّـه ...!
.