.
المال .. والمنصب المرموق .. والشهره
ماهيب أقصى طموحاتي .. ولا همي
الثانية: ظل .. والأولى : مثل زهره
والثالثة: من خِلِقت أحسّها بدمي
والوقت مهما قسى وأدار لي ظهره
سترت عبء التمنّي في ذرى كمي
وأنا من الفانية ونفوس منقهره
أعوذ بالخالق المعبود وأسمي
وين أنت ياللي له الاشواق منصهره
ياللي على لام حسنك ينجلي غمي
يادهشة اللي عيونه فيك منبهره
يا ذوقي الخاص .. يا سمعي .. ويا شمّي
يا أرقَّ وأعذب من الما في مصب نهره
أطيافك تّمر في الأعماق وتضمّي
ما غيرك أحدن تزين بوصله السهره
ولاغيرك اسمٍ يطيب إغناه في فمي
قلبك يحاكي بياض الغيم من طهره
وعينيك أجمل عيونٍ تلتفت يمي
تغيب .. وأسرج من عتاب المحب مهره
وتعود .. والشمل في لقياك يلتمي
يكفيني طاريك .. وإلا المال والشهره
ماهيب أقصى طموحاتي .. ولا همي
آخر المشاركات
08-11-2012, 01:11 PM
المال والشهره
العرض الشجري