زي النسمة ..

[د. فريد ابراهيم]

عامية مصرية..

ياللي انت زي النسمة
و ب اتنفس هواكي
يا واخدة معاكي البسمة
و سايبة الدمعة وراكي

ب احلفك خليكي جنبي
و حياة عينيكي ما تسيبينيش
ياللي انت دقة قلبي
ازاي بعدك ح اعرف اعيش

يا نور عيني من غير عيني مش ب اعرف اشوف
ماشي ب اخبط من غيرك و ح اموت م الخوف

لو كان قلبك لسة باقي
لو مش قادرة علي فراقي
ارجعيلي و اعملي معروف

ياللي انت قمر زماني
و زي القمر ف كونه بعيد
ب اعيش ف يأس الاماني
و يفضل لقاكي أملي الوحيد

ب احلفك .. تفتكري ليا
اني عمري ما حرمتك
و حرمتي قلبي و عينيا
بعد انا ما أدمنتك


وازاي احب حد تاني و انا قلبي بين ايديكي
و مهما كان ب يعاني .. ما ب يدقش الا ليكي

ب يعيش لك من غير شروط
و ان مات .. فيكي يموت
و تلف روحه حواليكي

فريد