((السفاري))..صوتيه وكتابيه

[خالد الغامدي]

مساء الخير/ صباح الخير

اقدم لكم جديدي (السفاري)

بالصوت

اضغط هنا

[POEM="font="Simplified Arabic,5,white,normal,normal" bkcolor="black" bkimage="" border="none,5,gray" type=2 line=0 align=center use=ex num="0,black""]ماجيت ابفتـح للقلـوب المغاليـق=ولا جيت ابشرح للصدور الضوايق
ماهمني مـال وكنـوز وصناديـق=مادمتني في كـل الاحـوال رايـق
الله كتـب رزقـه لكـل المخاليـق=والله فرق رزقـه مابيـن الخلايـق
البعض عايش دنيته احيان في ضيق=والبعض متهني ولا هـو بضايـق
لو شفت وضع الناس تلقى التفاريق=معروف بين الناس فـرق وفرايـق
العقل نعمه توجب اليـوم تصديـق=وترى الشرار احيان يصنع حرايـق
الحب في هالوقـت كذبـه وتلفيـق=وارواحنا في شبـك حبـه علايـق
البعض خان العهد خـان المواثيـق=تقدر تقول انه غـدى اليـوم بايـق
يخدع عيونك بأصدق الحب ويحيق=اسمى المعاني من عروق الصدايق
احرص على خوة رجال(ن) مطاليق=واحذر ترى الايـام منـك سرايـق
لا خير في صاحب يبي يوم تفريق=بيـن النشامـا مقدريـن الرفايـق
لكـل غايـه فـي زمنـا ملاحيـق=واختر طريقك لا تخـون الوثايـق
لا تخدعك دنيـاك ياغافـل وفيـق=اتبع طموحـك لا تـردك عوايـق
خل الامل دايـم بوسـط المعاليـق=والياس يا ابن الناس ماعـاد لايـق
رفرف كما صقرا تعلـى بتحليـقواترك هروج الورد واهل الحدايق
ماكلف الله نفس لو كـان ماتطيـق=لكن نصيحه دامـك اليـوم طايـق
ترى السفاري يدفعـه دوم تعشيـق=وايمان قلبك يدفعـك وانـت فايـق
الحق واضح مايبـي يـوم تسويـق=والزيف مايلغي وضـوح الحقايـق
هذا كلامـي قلتـه بـدون تنسيـق=وكل(ن) من الاحزان شارب وذايق[/POEM]

خالد الغامدي(وافي الوعد)

 

[صالح العرجان]

خالد الغامدي

ونبض رباعي الدفع
يعني القمه ولا شيء غيرها


صح نبضك وصح لسانك

 

[محمد السالم]

مرحبا يا خالد


وصباحك أحساس

 

[عبدالله العويمر]

وافي الوَعَد

حَمِلْت َ الْحِكْمَةَ بِكفّ النّص يَاخَالِد

نَصْ مَلِيء

مَوَدّتي

 

[ريم علي]

جميل هذا الحضور يا خالد
وصح احساسك على هذه الراقية

تحياتي

 

[عبدالعزيز سحل]

خالد الغامدي

صح لسانك

نص اكثر رائع يحمل الكثر من الصور الشعريه

مودتي

 

[إبراهيم الشتوي]

خالد الغامدي..
خالد هذا النص بالذاكرة ..
فشكرا لك وللعطاء الذي يسكنك..
تقدري .

 

[خالد الغامدي]

صحت ابدانكم جميع

وبيض الله وجهيكم


ماقصرتوا على تواصلكم وكلماتكم


واحمد الله اني وفقت في تقديم مايشفع لي تواجدي بينكم


دمتم في حفظ الله ورعايته


وافي الوعد