مشاركتي الاولى (( شختور ابردي ))

[فالح البريكان]

يشرفني انضمامي والحصول على عضوية
هذا المنتدى الراقي ويسعدني تواجدي بينكم
وارجوا قبول مشاركتي الاولى المتواضعه
وان تحوز قصيدتي على شي من رضاكم

شختور ابردي

هنــــا صوتيه بصوتي

http://www.geocities.com/had_af/shekhtoor.rm

[POEM="font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أكتم الآهات في سرد الكلام= ولانتهيت آهات قلبي تبتدي
أرتجف روعه ..من آهات وصدام = روعة الغافل ببندق معتدي
كنّ من قوّ "الفحيح" الارتطام = فوق صمّ البيد شختور ابردي
التفت حولي وانا كلّي حطام = وماتشوف العين غير ! الاسودي
واجبر الخطوه على مشي الظلام = اتوجّس .. ماستدلّيت .. بجدي
بين حفره.. تثبت الرجل وركام = عابر الانفاق بالرّجل اوحدي
صرت مثل الجال .. بالبير الهدام = امتهايل .. مجرف الطّينه ندي
اتمنّى بالحياه الاحترام = والثّبات وشامخة روس الودي
وماقلقت عيني وكدّرت المنام = غير ذيك الشاهقه !!! يامسندي
راعبيّه من رعابيب الحمام = (جيت ابمسكها وطارت من يدي)
كنت ابيها .. بالحلال او بالحرام = صرت مثل .. النار في حضن اجودي
لو لحقني باعترافاتي ملام = اشهدني صار ليلي سرمدي
يوم شفت السلم مايحقق مرام = انتخيت وقلت .. شرّي سيدي
وارتفع قدري .. وعزّيت المقام = والمعزّه والكرامه تشهدي
ولانتهيت وقلت.. للدنيا سلام = مابقالي شي واخاف ايغدي
الحزن بيتي .. وتفكيري طعام = وسمعتي بنتي .. وذكراي اولدي
ماتركت اسمي ومابديت اهتمام = وماعطيت ارضي وماخنت ابلدي
الكريم اللي مربينه كرام = والردي معروف من ساسه ردي
يوصف التبجيل !! ترحيب وقيام = ومايطيح من البلح غير السّدي
والزمن يمشي وعام(ن) بعد عام = والجميع يموت غير الاوحدي
راس ماله لانتهت .. مترين خام = يترك الدنيا وبرضه يلحدي
بحفرت(ن) نثيلها طول السنام = وفي دهاليز المقابر يرقدي
يالله اني طالبك حسن الختام = ولاتوكّلني على قوّ اجهدي
دلني لدرب(ن) على احسن مايرام = وفي سبيل ارضاك يارب اتهدي[/POEM]

فالح البريكان

 

[سعد سيف]

فالح البريكان

"

"

أهلاً وسهلاً بك في أبعاد أدبيه

شرفنا حضورك

نص يعانق النجوم

لك كل الود

 

[وائل فهد]

فالح البريكان

رائعه تستحق الاشاده
لك الاعجاب والمتابعه
كن بخير

 

[سلطان الدوسري]

رااااااااااااااااااااااائعة يامبدع ..
سبق لي مصافحتها .. ولن أملها
فـ حرفك يجبرني بـ قراءته ..
صح كلك .. ومرحبا بك بـ أبعاد ..
ولاهنت ياغالي ..
.
.
احتراماتي

 

[نواف التركي]

فالح البريكان


صح لسانك يا فالح رائع

دمت بخير

 

[هدب]

أهلاً وسهلاً بك في أبعاد أدبية

أسعدنا حضورك

مصافحة اولي رائعة

لك كل الود

 

[ماجد صخنان العنزي]

صح السانك يالسهل الممتنع


قصيده لاتحتاج الى تذكره للعبور


من غير اذن تدخل القلب


اجمل مافي هذا اليوم حروفك


اخوك/ماجد

 

[قايـد الحربي]

فالح البريكان
ـــــــــــ
* * *

يطيبُ لنا حضورك في أبعاد
ونتشرفُ بانضمام شاعرٍ رائعٍ يُضيف
إلى المكان طيبه وشعره ،
فأهلاً بكَ وسهلا .