تعاااااااااااال

[كريم العفيدلي]

تناشدني عن ذنوبـي وتجـاوب توبتـي بسكـات
وأذكـر وقفـة الشبـاك ودمـوعـي تغرقـنـي

اسأل داخلي جرح(ن) رسمته فـي مـداد آهـات
تـراه ان رد واتكلـم أبــد ماتقول:جاوبـنـي

ثلاث ارباع من عمري ولو صاحت تموت أصوات
يضج الصبـر بجنونـي وعيـا اليـوم يسعفنـي

أنا ماخنتك واسأل ، وذات اللـي خلـق هالـذات
وانت اللي خنت نفسك مـع عهـد(ن) تعاهدنـي

تبعتك مادريت لويـن وصـارت كلهـا غصـات
سوالف وامتلى قلبـي كلامـك بـات يضحكنـي

ابيك تسافر بوجهي ..وتغرق في صبـاح أوقـات
وأناموج(ن) وسـط عينـك تجمّعنـي وتشتتنـي

تعـال أرجـوك لاتبعد..تعـال ولا تقلـي :فـات
تعال وهـات سكينـك علـى (كيفـك) وقطعنـي

تعال وهات مشنقتي تعال انـت وتعـال وهـات
حفرت باظفري قبري ، تعـال اليـوم واقبرنـي

أنا ياجامد العينيـن أنـا المثلـك حسبتـه مـات
نسيتـك ماأبـي منّـك ولا طــاري يذكـرنـي

أرد الحيـن لدموعـي ..ارد الحيـن للحجـرات
وأثرثـر يمكـن الجـدران لهـا آذان تسمعنـي .

 

[أصيله المعمري]

يشرفني الحضور الأول هنا



صح قلبك يارائع

وأهلاً بعزفك ونزفك



تقديري لهكذا بوح
يناشد الحس الراقي في كل نص

 

[ميــرال]

عبدالكريم العفيدلي

مساء غردت فيه العصافير

شكراً شعر

 

[خالد السويلمي]

عبدالكـريم

صباحات الشعر

ثلاث ارباع من عمري ولو صاحت تموت أصوات
.....يضج الصبـر بجنونـي وعيـا اليـوم يسعفنـي


جناين

 

[فيصل الحلبوص]

ابيك تسافر بوجهي...وتغرق في صباح أوقات

لقد اغرقتنا شعرا يا اخي عبدالكريم


احييك على هذا النص الجميل الذي توهجت فيه حروف

الأبداع


صح لسانك ولا تحرمنا من روائعك


اخوك/ فيصل بن حلبوص الشمري