السلام عليكم
كنقاء قلوبكم أعتذر للتغيب الذي طرأ على كتابة الجديد
ولكن سرعان ما تتوق الكتابة لاشتياق الذائقة التي تحثني على
العوده في نص جديد أسأل الله ان يصل للقلوب:
تشابهنا
[poem=font="traditional arabic,6,gray,bold,normal" bkcolor="transparent" bkimage="" border="solid,4,silver" type=1 line=0 align=center use=ex num="0,black""]
إبْمــلامحنا تشابهنــا انا ويـّـاك يا عمــري=من يقول العين نامت قبْل ِ ماترحل إلى ذاتك
خبّريني حلم ليلك ليه نومه عانقه سحري=سحْر ماقبل ٍ تأخّر لا تسخّر بسْ لراحاتك
إنْشديها وإنْشدي روح ٍ حساها ساوره صبري=عن غياب ٍ جفّت إعيوني سواته بعْد غيباتك
ضامين ٍوالجوف نشّف،والهوى ضيّق قفص صدري=لا تشدّي الهجْر فيني أو تزيديها حساباتك
كم كتبتك في حساباتي وكم قلت الوقتْ بدري=وانتِ ياوقتي وكلّي مايفوتك وقت لوْ فاتك
لك سجل ٍ في خفوقي ماطويته والزمن يدري=لك قـلبْ يسكن ظلوعي مانبض إلاّ بآهاتك
لك ولك أشْياءَ يا ظل ٍتبعته وين مايسري=البدايـــة لاسألتيني وفيّــة يا بــداياتــك
رحْلتك ويّاي غيمة كلّ ماضْمى سيلها يجري=رافقتني والظّمى مرّه تلاشى بإرتواءاتك
واتصالك صوت.. بإحساسه تلبّس عطرك العذري=ودِّ يادفئ المشاعر تنسجيني في جراحاتك
آه يامحلا سواليف الغزل لو سامرت سهري=تنسج الضحكة دواخلنا و ِتعكسها ابتساماتك
شبِّ ياجمر المحبة ووأقظي من داخلي جمري=المحبة لو تميل اشوي عدّلها استواءاتك
عطّري صفْو الحكاية وأشعلي من نورها شعري=جمّليها في عيونك وأحْمليها بين راحاتــك
أسجنيها بينَ أنْفاسك سَلاسل قبْـل ما أدري=وقدّميها لي هدية أنتشي منها فلــذاتــك
شايف الدنيا جميلة خطّها معصور فكري=لجْل ترسمني قصيدة تنعزف سِلـْوة لساعاتك
كلّ جرح ٍ في حياتك إشتريته والزمن يزري=لانّك إنتي بسْ جروحي لا شغلتيني بغاياتك
سافري فيني حقيقة وأعبري الساحل على بحري=لك سفينة غادرتني شوق تسعى لتّجاهاتك
بوعدك مدّي عيونك في عيوني وأحزمي أمري=ما أنا بسْ صفحتةٍ نالت حناياها بصفحاتك
[/poem]
لكل من يمر
15-9-2010م
رضوان الهاشمي