مامشيت الا وانا صافي النيه // بداح الشويب

[بداح المطيري]

مامشيت الا وانا صافي النيّه
يعلم الله ماتحريت .. طرياها
مرّني جيبٍ جديدٍ ... مواريّه
غالي الا قيمته حيل يسواها
موترٍ لا ماتجاوز .. عن الميّه
تارك الجهرا يمينٍ .. تعداها
متجه على | طريق السعوديه
مّع دروبٍ ماتباطيت | ماطاها
شفت زولٍ للغضي | نظرته ليّه
النظر كنّه يقول الصدف جاها
الملامح نظرت .. صويحبي فيّه
ماضيٍ واللي | بقى بس ذكراها
نتبع خطوطٍ على الدرب .. طرقيّه
صادف انه وقت ممشاي بالقاها
ذكرياتٍ ماهي بحال ... عاديّه
مستحيل انه يجي وقت وانساها

بداح الشويب

 

[عبدالناصر السديري]

يا سلام يا بداح
وكم لحظه سريعة تنحفر في القلب
خصوصا لحظات الجمال الساحر الفاتن
جميل وأكثر يا المطيري

 

[عبدالإله المالك]

مبدع أنت يا بداح

تقبل التحية من الكويت إلى السعودية

 

[بلقيس الرشيدي]

مُمتِع ومُبهج الشعُور الَّذِي يحضَى بِصُدفة جمِيلة !
يِصح احسَاسك والبَنان يَامطر

 

[صالحه حسين]

رب صدفه خير من ألف ميعاد صح لسانك وعلا شانك
رذاذ غيمة تسكن أناملك

 

[نادرة عبدالحي]

ذكرياتٍ ماهي بحال ... عاديّه
مستحيل انه يجي وقت وانساها

الذكريات لا تبرح الذهن الذي يلتقط الكثير من الصور وتُصاحبنا طوال حياتنا
سلم فكرك النير شاعرنا الكريم ..

 

[بداح المطيري]

المشاركة الأصلية كتبت بواسطة عبدالناصر السديري

يا سلام يا بداح
وكم لحظه سريعة تنحفر في القلب
خصوصا لحظات الجمال الساحر الفاتن
جميل وأكثر يا المطيري

مرورك الاجمل
واسعدني مروررك

 

[بداح المطيري]

المشاركة الأصلية كتبت بواسطة عبدالإله المالك

مبدع أنت يا بداح

تقبل التحية من الكويت إلى السعودية

مرورك جميل وتعليقك اجمل 🌺