صرخ فرخ

[فالح البريكان]

[POEM="font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ينتصف للدون عني كبريائي والغرور = ماتناظر عيني الهيّن مقام ومنزله
والتعدي والتهزي ماتحمله الصدور = والتطاول والتجاوز من هو اللي يقبله
يازوايا الصوره اللي باتجاه عيون عور = نصفها الاخر فراغ ومالقا من يكمله
يابقايا رمش عين انسان في بيت امهجور = صار له خمسين عام البيت من ماتو هله
يارسوم عروق عقل براس مختل الشعور = مابقا بالشين زين ولا سكوت مجامله
ياحتات الريش الاصفر من قرانيس النسور = عشها قشاش حنظل بالديار الممحله
يامفاهيم الحياه بنبتتن بين القبور = عرقها احمر لو يصيب انسان غافل يقتله
يالفراغ الممتلي سواد ليل بدون نور = ياهوامش ماتحل ولاتفيد المسأله
ياملامح غيبت البهجه عن وجيه الحضور = من لمحها يدري ان الشوق غايب والوله
يامعاني مارضت ياغير من بين السطور = وياصراخ الماضي اللي مات قبل المقبله
صرخ فرخ طوير فاقس وسط عشه ومحصور = صادو امه والعشا بمنقارها له تنقله
مامعه ريش(ن) يطير ومامعه حيل(ن) يثور = ومات جوع وكل مابالعش من رمل اكله
ياعلوم الفكره اللي عمرها عمر الزهور = ياردا طيب الاصول وياضياع المرجله
ياشتات الذكريات الماضيات من الشهور = يانهاية عهد حاقد والنهايه مخجله
واصلي ياظروف وقت الزوم تعقيد الامور = استمري هكذا من ... مشكله لا .. مشكله
من ظفر باس الاسود ومن دها قنص النمور = ومن بسالة سبع ضلع يحد صيده ماختله
مايقلل هيبة القاضي شهادة كذب زور = وكل محكوم احكموه بحكم في شين اعمله
كل يوم تغيب شمسه غير قابل للظهور = وكل كائن حي مات وعاش حي بمرحله[/POEM]

 

[قايـد الحربي]

فالح البريكان
ــــــــــــــ
* * *

يأتي بالحكمة شعراً
فيصدق قوله ...
قصيدة هي الصورة للزمن
رسمها وأتقنها البريكان فأبدع .

شكراً كثيراً لك .

 

[سلطان ربيع]

هنا كان الهطول إستثنائياً
هطول صعد بنا للأعلى
بـ وعي وإدراك
وتجربة

فالح البريكان
تقبل إعجابي بهذا النص
الغارق بالحكمة .

 

[أصيله المعمري]

ومن الشعر ما قتل


بعض القصايد يا أخي فالح تأخذنا للسماء السابعه من جمالها وفطرتها


كانت بالفعل قصاصة شعر


ستظل تداعب الذاكرة كثيراً





صح نبضك

 

[هدب]

فالح البريكان


صح لسانك وسلم بنانك


أبدعت وأجدت

تحية كبيرة

لمشاعرك وشعرك

 

[العـنود ناصر بن حميد]

كل يوم تغيب شمسه غير قابـل للظهـور
وكل كائن حي مات وعاش حي بمرحلـه

صدقت

فالح البريكان

كعادة حضورك

نور يخالط نور

صح قلبك

ودمت بخير

 

[ابراهيم الخطيمي]

البريكان

صح لسانك ولاهنت

جميل بحضورك وكلماتك الرائعه


سجل اعجابي

لك ارق التحايا

 

[فالح البريكان]

المشاركة الأصلية كتبت بواسطة قايـد الحربي

فالح البريكان
ــــــــــــــ
* * *

يأتي بالحكمة شعراً
فيصدق قوله ...
قصيدة هي الصورة للزمن
رسمها وأتقنها البريكان فأبدع .

شكراً كثيراً لك .

تسلم تسلم ياقايد على الكلام الطيب


الله لايهينك اخوي ودام عزك


كلك ذوووق