تعال عطني على الصفحه بطاقة عبور !!!

[عبدالمحسن العتيبي]

[poem="font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]يا معتم الليل قبل الكون ينساق نور = يوم المخاليق لاعم السكون هجعّت
تعال عطني على الصفحه بطاقة عبور = ما احتّاج للناس وانته حاجتي لك دعّت
لو حطم الصبح في نوره جميع الجسور= بصحّي العالم اللي نايمه ما وعّت
عندي ذهب بس عيت تحتويه السطور= وعندي زهورٍ على نهر الفرات إينعّت
وعندي قناعه وعنــــــدي عملهٍ ما تبور= لابار من لا عرفها بالحساب رجعّت
شف درة البحر لو صعبٍ عليـــها العثور= طوفتها بالخيال وفي خيالي سعّت
ما همني من تغذى بالورق والجذور= ما عمر الاوراق لا هب الشمال نفعّت
لو المزارع حسب لامن زرع للطيور= كان اكثر الناس في جنح الضلام زرعّت
ولو البّكم تا تكلم كان تشـــــهد بزور= والصّم لو كان تسمع كان جت وسمّعت
ولو اكثر الناس تعلم ما خفى بالصدور= كان عرفّت وش تكون الخاتمه وقنّعت
والجمره اللي على صدرٍ إحســــاسه يثور = اليا طفت هب نسناس الهوى وولعّت
ما عدت ادآري لرغبات البشر والشعـــــور= لو اطرحت في حسابي بالحكي وجمّعت
الوقت دارت رحاته والليالي تدور= وعيون الايام من هول العباد دمعّت
ما عاد به فرق ما بين الغنم والنمور= لو تجتمع فالحديقه كلوبها رعّت
تغير الوقت واقفى من دبور لدبور= شف كيف شفت الثعالب بالذياب طمّعت
وشفت الحمامه تبى الهده سواة الصقور= ما هي على خبرنا ان زاد الحنين سجّعت
وشفت الذكاء بالصغار الي تحب الظهور= يا حيلة الله على اكتاف الكبار طلعّت [/poem]

 

[عبدالله العويمر]

عبدالمحسن
قُلْت وأجْزلْت القَول
واقِع حَال ، وحِكْمَة شَاعِر

جَمِيْل الحُضُور دَائِمَاً

 

[عبدالمحسن العتيبي]

المشاركة الأصلية كتبت بواسطة عبدالله العويمر

عبدالمحسن
قُلْت وأجْزلْت القَول
واقِع حَال ، وحِكْمَة شَاعِر

جَمِيْل الحُضُور دَائِمَاً

تسلم والله يا عبدالله اكرمتني بحضورك



دمت بود

 

[عبدالعزيز سحل]

عبدالمحسن

نص جميل يحمل الكثير من الصور الشعريه

نزف يحتاج لاكثر من قراءه

مودتي

 

[عبدالمحسن العتيبي]

المشاركة الأصلية كتبت بواسطة نومان سحل

عبدالمحسن

نص جميل يحمل الكثير من الصور الشعريه

نزف يحتاج لاكثر من قراءه

مودتي

نومان سحل


حياك المتصفح يتشرف بمرورك في كل مره




سعيد في تواجدك


دمت بخير

 

[ماجد العيد]

و الخاتمة ارتكاز قوي و بارع يا عبدالمحسن

و سماواتك تستدعي الترقّب ففيها الكثير

من القلب شكراً يا عبدالمحسن

 

[عبدالمحسن العتيبي]

المشاركة الأصلية كتبت بواسطة ماجد العيد

و الخاتمة ارتكاز قوي و بارع يا عبدالمحسن

و سماواتك تستدعي الترقّب ففيها الكثير

من القلب شكراً يا عبدالمحسن

ماجد العيد اسعدني اشادتك بالنص


صح كلك


تشرفت بمرورك



دمت بآآحسن حآآال

 

[ممدوح الراوي]

يا اخي أنت مدهش