( الفاخـره )

[ممدوح الراوي]

كل ( يوم ) . . وانتم بخير


.
..
....
........
................

[POEM="font="Simplified Arabic,4,white,normal,normal" bkcolor="black" bkimage="" border="none,4,gray" type=2 line=0 align=center use=ex num="0,black""]



بدري من عمرك جناب الفجر داهمنـا جنابـه=وين راح الليل ؟ مدري! ليلة البـارح غريبـه
____ ____
من كثر ماكنت افكر فيـك فرفـرت الكتابـه=راحت الشمس لمغيبه ورحت اجيبه من مغيبـه
_______

جبت لك حل السؤال الفاخر وجبـت الأجابـه= ( فاخره ) مثل السـؤال وسائلـه واللـي يجيبـه
_______

باذخ الحسن القصيـد بخيـر والدنيـا خرابـه=ضيقوها بعندليبه .. ليـن .. هاجـر عندليبـه
_______

ناعس الطرف انتهكت بطرفك الناعس غيابـه=ماتركته في غياهب غيبته مـدري شتبيبـه ؟
_______

لين العود الجفـاف ذنـوب ساعـي ماسعابـه=لاتحملني ذنوب الجـوع واسبـاب المصيبـه
_______

لاتقول انك قطعت الشـك بهطـول السحابـه=صاحبك يسعد صباحك مادرج مبطي شعيبـه
_______

وانت ( يامال الذهاب )..الشعر تسعى في ذهابه=كل ماهبت هبـوبٍ منـك قلـت الله حسيبـه
_______

تدري اني من عرفت العشق والحـب وعذابـه=مافتحـت القلـب مـره مالقيتـك مرتكيـبـه
_______

يارديف البال حـول مابقـى بالحبـل مابـه=حيل حمل هموم جذب العـذب والدلـو بقليبـه
_______

تلها واشـرب زلال المختلـف عـن التشابـه=التشابـه مايبـل الكبـد والتربـه خصيـبـه
_______

لاتقول انك عطشت البحر امخضلـك عبابـه=انت لو تعطش سقيتك من عصافيـري حليبـه
_______

شاربٍ فنجان بنٍ فيـه اصابيعـك مذابـه=وشـ توقـع مـن حبيـبٍ كثر السكـر حبيبـه
_______

فارع الغصن التناسق بين طولـك وانسيابـه=يسلب اللـب ويجيـب العيـد ويجيـد الغليبـه
_______

كل ما الشوق استباح الروح وغيابـك عثابـه=كل كنز اكـز بابـه يجهـر الناظـر لهيبـه

_______

( عندما يأتي المساء ) وتعلن الشمس انسحابـه=نور فانـوس النفيـس يبـدد الظلمـا الكئيبـه
_______

مرهف الحس القصيد اوراق تتحـدى الرقابـه=مارضت تخفض جناح الذل وترائـي رقيبـه
_______

صاحب الصبح الفخامه شي مايلغـي المهابـه=النحيف اللي تشوفه شايـف النحـف بنصيبـه
_______

وانت كل اللي عليك اعطيتني قـوس الربابـه=لاتمايل خايف انسى نفسي ي ت ق ط ع سبيبه


[/POEM]

................
........
....
..
.

1000 شكراً مضاعفة 1000 مره لـ كل من مر من هنا

 

[وسن]

وانت بـــ الف خير ايها الرائع

القصيدة جميلة
وشاعرها
مدهش

 

[الريـــــم]

للتوْ فقط أنهيت إجراءات تسجيلي في أبعاد أدبية
ومِنْ حُسْن طالعي أن أحظى بنص جديد لشاعر جميل جداً
وأيضاً أوّل مشاركة لهُ في هذا المكان .. !





وقبل الشِعْر والقصيدة
أهلاً بالشاعر الجميل .. العذب .. المختلف
[ ممدوح الرواي ]

اسم يُعدْ مكسب لأيْ مكان يتواجد بهْ
فهنيئاً لأبعاد أدبية هذا الراوي وأهلاً وسهلاً بهِ


قصيدة [ فاخرة ] فقد كان لها من أسمها أكبر النصيب
صح لسانك وإحساسك أخوي ولاهنت على كُل هذا الجمال
وفالك البيرق



كُلُّ عامٍ وأنت أجمل
تقديري وإحترامي ،،

 

[محمد المغضي]

ممدوح الراوي


كان الشعر هنا ملاذأً من العطش ...وسلة من بلّور فاخر

تلذذت بمذاق هذا النص الممزوج بلون الإبداع وعطر الجمال


شكرا لك على هذا الشعر/الفكر

لك كل الود

 

[سلطان ربيع]

أهلاً وسهلاً يا ممدوح
حضورك النور
تتشرف أبعاد بتواجدك
والشعر
بمقدمك .

 

[عبدالرحمن الغبين]

منور يا ممدوح،
سعدت بطلتك [الفاخرة]،
القصيدة جميلة،
أتمنى لك التوفيق.

 

[محمد السالم]

مرحبا يا أخ ممدوح


سعدنا بتواجدك معنا في هذه الأبعاد

يسعدها انضمامك مثلنا بالضبط



مرحبا بك وبالشعر

 

[عبدالعزيز رشيد]

ممدوح الراوي\وأخيرا أنت تصافحنا هنا
مايعجبني فيك سردك الرشيق والدراميّ والمحتوي على قبسات من المشاهد الخياليّة التي تجعل للسرد الواقعي شكلا آخر من الجمال , وتجعلنا نتابع ولهفتنا تترقّب أجمل الأوصاف
طرافة بعض التصاوير وبراعتها تجعلها تدخل الى الأذهان بكلّ تقبّل وأريحيّة وبالتالي الى بهجة الذاكرة كـ "شاربٍ فنجان فيه أصابيعك مذابه" هكذا يطوّع الشاعر الصور بعيدا عن التعقيد
مرهف الحسّ القصيد أوراق تتحدى الرقابه
ـــــ مارضت تخفض جناح الذلّ وترائي رقيبه
ومثل هذا البيت يحفر نفسه في حجر الذاكرة
تحيّاتي وأهلا وسهلا بك