غرور العابرين ..!

[سالم الجهني]

أسكن الله أرواحكم السعاده والسلام ..

بكم / لكم يرقى النبض

الجمعه الموافق 14 / 11 / 1430 هـ

عديل الروح

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عيطموس المشاعر كوني برد وسلام = والله الله على وجنات روض الروابي
للهجس صمت وذكرى بين صحوْ ومنام = يبغى يرضي غرور العابرين بغيابي
قفر .. جدب وشوارع والمسارب زحام = يبعث الخوف وحزني هو رفيق انتدابي
يابلد دثريني / ما أحب الظلام = ماني مثل الغريب وصوتي شرّع جوابي
يابلد دثريني / عن عيون النظام = كيف اعيش بسلام / وغربتي في رِحابي
يابلد دثريني / من قيود وملام = مابقى بي سوالف / منكسر خلف بابي
ضيقتي والمسافه بيننا والعسام = ولولا رب الذواري / رحت اطارد سرابي
يابلدنا تعبنا / مدري من كم عام = لا تعشّمنا امانك / حاصرتنا جنابي
بعضي لْـ بعضي سولف / كيف حال الوئام ؟ = ماني عنهم غريب / وضيعوني بزهابي
قلت ابرسل مروايح الشعر للغمام = لامتـى الطاري يردد فيني منع اقترابي ؟
المدى النرد وجرحي من حطام بحطام = كم زواني في هامش صفحتي ما درى بي
هب وياقوّ / نابه ماهو طوع اللجام = كل ماضاق في صدري يشقق ثيابي
قبل اسولف على طرْف الذبول بغرام = قلت اصحّى جنابه يقترب من جنابي
يشق صدر السوالف ويتطاير كلام = يجيب دفتر عناويني وْ / وردة شبابي
عيطموس المشاعر والرسايل حمام = سلمي لي على وجناتها والروابي[/poem]

 

[خالد العلي]

.
.
بلد مظلم!! و....؟ وغربة برحاب!! والكثير الكثير!!
صح الله فكرك ونبضك وحماك الله من طعن الجنابي!



دمت بخير وصحة

 

[سالم الجهني]

المشاركة الأصلية كتبت بواسطة خالد العلي

.
.
بلد مظلم!! و....؟ وغربة برحاب!! والكثير الكثير!!
صح الله فكرك ونبضك وحماك الله من طعن الجنابي!



دمت بخير وصحة

خالد

نورك يبدد الظلام ويشعل قناديل الامان .. فـ شكرا لك هذا النور / الوهج

 

[خلف المهيلان]

/سالم ، ياسلام عليك،،

/ قريت الكثير من الملامح الي تشبه ،، هذا الحزين بداخلك،،

كتبتنا ياعذب ،،

ولكن ملاحظه التاريخ اليوم الاحد 13 (11 ) 1430 هـ ولا رزنامتنا غلط،،

،،على العموم أنت ، مبدع ،،
/ ورحمة الله على بخيت ذكرني اخر اسمك فيه ، اسكنه الله فسيح جناته وابقاراسك يازميلي العزيزعلى قلبي،،

/
كل الود لطلا لتك وبهى وإناقت جماليات مفرداتك الي عودتنا على الاندهاش ،،

ودي وغلاي
/
خ
/
م
/
ن

 

[سالم الجهني]

المشاركة الأصلية كتبت بواسطة خلف المهيلان

/سالم ، ياسلام عليك،،

/ قريت الكثير من الملامح الي تشبه ،، هذا الحزين بداخلك،،

كتبتنا ياعذب ،،

ولكن ملاحظه التاريخ اليوم الاحد 13 (11 ) 1430 هـ ولا رزنامتنا غلط،،

،،على العموم أنت ، مبدع ،،
/ ورحمة الله على بخيت ذكرني اخر اسمك فيه ، اسكنه الله فسيح جناته وابقاراسك يازميلي العزيزعلى قلبي،،

/
كل الود لطلا لتك وبهى وإناقت جماليات مفرداتك الي عودتنا على الاندهاش ،،

ودي وغلاي
/
خ
/
م
/
ن

اهلا بك يا خلف

مع الشكر لـ إيضاحك وإنارتك وكرمك

ورحم الله بخيت ورحمنا الله جميعا


كن بخير

 

[ميــرال]

يشـق صـدر السوالـف ويتطايـر كـلام......


وضاع الكلام برذاذ هذا الشطر
عذب جداً
سالم الجهني
حضورك غيث

 

[سالم الجهني]

المشاركة الأصلية كتبت بواسطة ميــرال

يشـق صـدر السوالـف ويتطايـر كـلام......


وضاع الكلام برذاذ هذا الشطر
عذب جداً
سالم الجهني
حضورك غيث

الرذاذ وماحمل معك / لك

شكرا ميرال

 

[صالح العرجان]

كل ما ضاق في صدري يشقق ثيابي
كل ما ضاق في صدري يشقق ثيابي
كل ما ضاق في صدري يشقق ثيابي



سالم الجهني

لـ الطموح اللي علاه التيه
لـ المتاهات الحالمه في خيال

نحن هنا نقتفي رووووح لا تسالم لـ سالم

صح لسانك وصح فكرك
رد ود