( هدوء مُتناثر ) ..!

[مرضي البلوي]

أنثى .. برونق جمالك دوم مختلفه !
مع طيبـة القلب كل حاجه خذيتيها

عذبه / رقيقه / حنونه / مُرهفه / ترفه
أشياء في بنت غيرك صعب الاقيها

 

[مرضي البلوي]

خدك الأبيض مثل ( قطعة جليد )
يا عسى ربي . . يديم آوجودك !

بالغلط لا شفت زولك من بعيد
أعرف ان هذي الخدود خدودك

 

[مرضي البلوي]

أنا .. تعاطيت حُبك في حياتي كثير
إلين ماصرت مُدمن والنتيجه ادمان

اللي تمناك أم ، لطفل منك صغير
[ تراه باقي يحبك مثل حبه زمان ]

 

[مرضي البلوي]

إن ماتحركـت يمك جابك الشوق لي !
يعني كذا او كذا مافيه منك .. خلاص

المشكله من بلي وأنتي بعد من بلي
[ الحُب مثل البنادق عندنا والرصاص ]

 

[مرضي البلوي]

:

غاليه واغلى من العين عندي لـ لهدب
لجلك انتي من يلوم القريحه لو تهيج ؟

بنت من زود الثقـافه ومن زود الأدب
ودي أن كل البنيات مثلك : بالخليج

 

[مرضي البلوي]

أقتل . . بسيف التضحيات الأماني
آجرح شعوري بس مجرح شعورك

كذا الوفا / والتضحيه / والتفاني !
[ اموت بغيابك ، واموت بحضورك ]

 

[مرضي البلوي]

بيني وبينك . .
مسافـة يوم وشويه !
لكن بالأحساس اقرب لي من عروقي

تدرين . . وش يحرق الرجال يابنيه ؟؟
[ الشوق لاصار في قلبه مثل شوقي ]

 

[مرضي البلوي]

بالمطار ..آوادعك مقدر اوادع
خايفه لا غيب ويطول مغيبي

قلت لك يومين ياحلوه وراجع
قلتي مرضي لاطول يا حبيبي !