اوراق مبعثرة!!!

[محمد علي الثوعي]

ياللي كتبت الشعر عذب الترانيم
اجاوبك والقاف حسب اعتمادي

تكتب وترسل من جديد التعاميم
لكن مناديبك غدت وسط وادي

واللي يحب الشعر جاد المفاهيم
يعرف مضامين الكلام انحيادي

شاعر محنك تلتزم بالتعاليم
واليوم نهجك مختلف ياعبادي

اظن قلبك سلم الأمر تسليم
واصبحت عاشق يارفيقي وغادي

مجنون ليلى عاش ضمن المظاليم
واظن ليلى ماتجيب المنادي

تاريخنا فيه الحكايا مباهيم
من زوّره غيّر جميع المبادي

حنا عشقنا والمشاعر مقاسيم
واللي بباله حاضرٍ في فؤادي

اوراق حبه ماهي مثل المراسيم
ماتنتشر بين المدن والبوادي

شاعر ولكن عندي فكر ٍ وتنظيم
مبعد عن ارباب المكر والفسادي

ماجيت في درب الخطا والملازيم
ياكثر من يفرح بعثرة جوادي

يوم الخيول المسرجه والمجاهيم
الناس تعشق تحتفظ في الودادي

ماينقصك في الوقت فهم ٍ وتعليم
لا تعتذر واللي حدث صار عادي

الطيب يبقى بالرجال المحازيم
مادام كل ٍ عن رفيقه يفادي


محمد_الثوعي

 

[محمد علي الثوعي]

مادام ..بعيون ..الرجال المطاليق
عالي ..مقامي ..هذا يكفي لحاله


توفيقي من رب السما يالمخاليق
سبحانه المعطي ..عظيم الجلاله


محمد_الثوعي

 

[محمد علي الثوعي]

عندما كانت بيروت باريس الشرق الأوسط!!


النصف منا منشغل يطرد القوت
والنصف الآخر منتفخ فيه تخمه

رجل ٍ مصيّف بين لندن وبيروت
ماهو مثل من عاش والروح صخمه

اللي ضعيف الحيل ياناس ممقوت
لوسيرة اجداده من الطيب زخمه

عند العرب منبوذ ماهو بمبخوت
والقدر للي يملك اموال ضخمه


محمد_الثوعي

 

[محمد علي الثوعي]

مساجله مع الشاعر الراااائع معجب العازمي


محمد الثوعي

‏‎تبت يدين الغدر والزيف يافلان
ماعاد تعرف صاحبك من عدوّك

تشري صداقة من توده بالاثمان
مخلص ولكن من يقدر سموّك

&&&&&&&&&&&&&&&&&

معجب العازمي

ترى الردى والطيب من طبع الإنسان
هذا الصحيح ان كنت بالعرف توك

تكشف لك الاصحاب دورات الأزمان
احدً على جوك واحد ضد جوك

&&&&&&&&&&&&&&&&&

محمد الثوعي

ليتك توقع في كلامك يافنان
ماجيت كلك منحدر من علوّك

شاعرواقول الصدق والعز عنوان
أتبع مسار الحق واترك غلوّك

&&&&&&&&&&&&&&&&&

معجب العازمي

ماقلت غير الحق ماني بغلطان
لاكن على عمياك لتشب ضوك

شاعر واعرفك زين وبقلبك ايمان
ولي عرف خيرك مايجهل بسوك

&&&&&&&&&&&&&&&&&&

محمد الثوعي

شبيت ضوي واندحر كل شيطان
خذها نصيحه فرصتك في نموّك

تاجر مع التجار ماصرت خسران
يامعجب خل الفرنكه والتلوّك

&&&&&&&&&&&&&&&&&&

 

[محمد علي الثوعي]

ياخصيم الياس ترا. مالك خصيم
غير ....قلبك ..مثل قلبي... وانعبه

حبها فجأه ...تسلـل ....فالصميـم
قـام يلعـب فـي ..فـؤادي ..يتعبـه

طحت مدري كيف .والله العظيم
طيحتي.. بالحب...كانت ..مرعبه

شفت... شـي ٍ..مالقيتـه .بالحريم
حسنها .طاغي عجزت استوعبـه

من غلاهـا قلبـي .المغـرم.سقيـم
من طرق درب .الهوى يامصعبـه

يوم في جـده.. وليلـه..بالقصيـم
ماسـك ٍ درب المدينـه..واشعـبـه

حظي .واﻷيـام. عيـّت. تستقيـم
مسرح. الاوجاع ..فيني ..ملعبـه

من تبوك الـورد. ياحبـي الحميم
جيت لك عاشـق. وقلبـه يسعبـه

اﻷمـل لازال فـي روحــي مقـيـم
والرجـاء.. بالله ..قايـم .وادعـبـه


محمد الثوعي

 

[محمد علي الثوعي]

حجمك طبيعي لا تزيده. وتنقص
ماهو بزايد فوق هالناس حجمك

لو طبلولك بعض الاريا ..وترقص
ياسرع مايهوى على القاع نجمك


محمد_الثوعي

 

[محمد علي الثوعي]

🇸🇦🇸🇦🇸🇦🇸🇦🇸🇦🇸🇦🇸🇦🇸🇦

الوطن تاريخ. وامجاد..واصاله
كلنا. نعشق.. .ترابه ....مانحيد

في ذرا حكامنا .رمز ..البساله
من بنو .الامجاد بالعزم الشديد

مايعيش الضيم مادمنا رجاله
دون حده نطحن الراس العنيد

مايزلزل ..جمعنا شلة ..حثاله
مالهم مذهب ..ولا فكر ٍ رشيد


محمد الثوعي

 

[محمد علي الثوعي]

*مجاراة!!*

من مارس العام وحنا الان في مارس
والخيل تركض بلا فارس بلا غزوى
والقاع صفصاف لازارع ولا غارس
ناظر بعينك ضريح الشيخ والمثوى

*محمد الثوعي*

يلي تـعد الليــالي صـايرن حارس
والحب حب القلوب الي بها نهوى
متروس قلبك ولا ندري من التارس
الله يعينك وربك يـسمع الشكوى

*فهد جويعد*

نوارس الوقت مافيها ولا نارس
لكن تراني عليك. مقدمً شكوى
لاراح فارس يجي من بعده الفارس
لو كان. راحت علينا. قطعة الحلوى

*مخرب القحطاني*

الله يعين المعلم يسأل الدارس
عن حلم ليلى وكيف تفسره سلوى
والليل لازال بالاحلام ويمارس
في عنفوانه طقوس تبدد النجوى

*ابوزياد: القرشي*

الليل والخيل والقرطاس والدارس
يا جعلها دون حد السيل ما تروى
نقول : باريس وأنت تقولها : بارس
باريس / بارس بكيفك قول ما تهوى

*مشعل الغامدي*