***الــغــذائــيـــة***

[حسين البليهي]

المشاركة الأصلية كتبت بواسطة خالد العنزي

يمدح السوق من ربح به

ودارت الأيام وصار البليهي يناشبنا بشغلتنا ,,,,,,اييييه زمن دنيا مالها امان

وترى الحفاه العراه يتطاولون بالبنيان ,,,,سبحان مغير الأحوال

ياالله معايه جميعاً بالغذائية !!!

حلوه جميعاً

ههههههههههههههههه



ياحبيلك يبو ريان

أهلين بمضارب بيشة

من فضل الله الغذائية اليوم مرتفعة ريالين وبيشة شركتك الفاشلة أكثر الشركات نزولا

وبعدين شغلتك الأصلية ماناشبتك عليها وأنت تعرف وش شغلتك الأصلية تجمع كروت الأيتام والأرامل والفقراء والمساكين وتكتتب فيهن وبالنهاية ماتعطيهم شي وأن عطيتهم تعطيهم مبلغ زهيد دون خوف من الله ولامراقبة له

لكن الحمدلله الله نكبكم ياحقين هالشغلة بشركة سبكيم لأنها أقل من سعر اكتتابها فالله يمهل ولايهمل
























وترى الحفاه العراه يتطاولون بالبنيان

تكفى

يامن ولد وفي فيه ملعقة من ذهب

الله يرحم أيام الصنادق

 

[حسين البليهي]

المشاركة الأصلية كتبت بواسطة فرحان الشلاقي

ـــــــــــــــــــــــــــــــــــــــــــ
صح الله لسانك





هذا السهم يقولون انه استثماري

وعسى يكون من اسمه لنا نصيب



[POEM="font="Simplified Arabic,4,white,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black""]اقول خذ هالسهم واسمه دوائيه = سهم من اسمه قلوب الخلق يشفيها

باذن اللذي فرَق الحسْنه عن السيه = الا تشوف السعد في عين شاريها

لانه عوايد ويمكن يمنحك 100 = ويفك تعليقتك لو كنت معميها

وحنا بدار الكرم دار السعوديه = دار البطوله ونشوات الفخر فيها

السوق مثل البشر له حال صحيه = عل الذي علها يرجع يداويها

واللي يهده اضن ايدين مخفيه = تبي تهد البلد والرب حاميها [/POEM]

الله الله الله عليك ياالشلاقي

على هالمجاراة التي همشت قصيدتي الأصلية

صح لسانك ياالسنعوسي

لكن طعني خلك بالغذائية وبع الدوائية تدري ليه لأن خالد العنزي أحد موظفيها فلاأعتقد أنها ترتفع وخالد بها والعالم الله

 

[حسين البليهي]

المشاركة الأصلية كتبت بواسطة خالد صالح الحربي

*

آخر الـْ..غِذَائيّة..[ إيَّه].
لكن دعواتي لكم بالتوفيق..
لو إن والله التوفيق
مفارقٍ الـ..سُّوق.
أبو ريّان / وش صار على أسهُم الـ..رّيّان..؟!

السوق هذا ميسر وْلعبة قْمار..
....... والصيرفة تبغى لها: صيرفيّة..


متعلّقٍ فيه المواطن بـْ شنكار..
....... تعليقة اللي علّقت بالضحيّة..!


خالد مازلت أتلذذ بأبياتك المقتبسة أعلاه فقد كانت لقطة رائعة من مصور بارع

فعلا

السوق هذا ميسر وْلعبة قْمار..
....... والصيرفة تبغى لها: صيرفيّة..


متعلّقٍ فيه المواطن بـْ شنكار..
....... تعليقة اللي علّقت بالضحيّة..!


خالدبالنسبة لأسهم الريان والله ماأدري عنها اكتتب لي فيه سميك خالد العنزي والفايض ماأدري عنه هورجع والا لأ لكن مسامح أبويزيد

شكرا لتشريفك ياخالد

 

[حسين البليهي]

المشاركة الأصلية كتبت بواسطة حمدان الشمري

إنشالله تعانق الميه ياحسين

بس عاد أنتبه الاسهم هالايام مالها آمان والبعد عنها ابرك

ويعطيك العافيه على التوصيه وصح لسانك على القصيده

سعدت بمروري هنا

دمت بخير

الله يجزاك خير ياحمدان والله كريم ويعوض المسلمين

لكن سالفة أبعد عن السوق صعبة لأن ماظل بالمحفظة شي يسوى اللي يبعد به وانا أخوك والحمدلله على كل حال

 

[حسين البليهي]

المشاركة الأصلية كتبت بواسطة خالد العنزي

تنبيــه هام وعام

......................



من الواضح ان التوصيـة اعـلاه مدفوعـة الثمـن

او ان الأخ البليـهي متعلّـق , ويبـي يفكـ تعليقتــه عن طريقـكم

لذا وجب التنويـه لأخـذ الحذر والحيـطه

والله من وراء القصـد





حسين عارفين هالحركات تلعب على ميـن

ياأخوان ماعليكم من مضارب بيشة

الغذائية

سعر السهم عند التوصية
31.5
والإقفال اليوم 34

يعني الربح حول عشرة بالمية

المستعجل يبيع ب37 مع افتتاح السبت والوجه من الوجه أبيض

 

[حسين البليهي]

المشاركة الأصلية كتبت بواسطة صالح العرجان

لو تهيجن له ولو تجر له مسحوب


مفارقه الخضار (( سوق الطماط ))




عسى الله يوفقك يا ابو ريان لكن من بعيد لبعيد


صح لسانك

صالح ياحليلك ياصالح

إيه نسيت أقول لك ياصالح اتق الله في نفسك وشل صورتك اللي تحت معرفك تراها بصراحة فتنة للبنات لوكانت مشرف عام كان حذفتها من غير ماأشاورك واحط بدالها صورة خالد العنزي والا صورة خالدالحربي لأن صورهم مفارقتهن الفتنة

 

[حسين البليهي]

المشاركة الأصلية كتبت بواسطة سلطان ربيع

دامها توصية بحط فيها على كلامك
وإذا على الشعر
فـ أنت غذاؤه

سلطان يابعد خشمي هالخشم ومشكور على هالتعليق الحلو

لكن لاوالله ياالبناخي لاتعتبرها توصية سوقنا ماينقال عليه

تقديري لك

 

[حسين البليهي]

هذه بعض المعارضات لقصيدتي المتواضعة والحقيقة أن جميع المعارضات فاقت قصيدتي

المعارضة الأول للشاعر /عايدالشمري

المشاركة الأصلية كتبت بواسطة هذا انا

اخوي حسين البليهي من اكثر الاحباب
اثارةً لرغبة القصيده لدي
اجد نفسي اجاري قصيدته تلقائيا
محاولة مني التشبث بهذا الهرم الشعري القدير
اليكم ما حاولت مجاراة اخي حسين به
بأمل القبول

[poem=font="Simplified Arabic,5,black,bold,normal" bkcolor="transparent" bkimage="" border="double,4,black" type=2 line=0 align=center use=ex num="0,black"]
العام حنا بشمس ولا لنا فيّه=ياقوم ياشمس يامكثر بلاويها
واليوم حل الشرا لاسهم غذائيه=وباكر على خير نشنا كل من فيها
حياة الاسهم نهايتها مصيريه=والناس ماودها تكشف خوافيها
ورفيقنا الفذ اراءه تجاريه=في عالم السوق والاسهم وراعيها
ان قالوا الناس نادك قال ملويهّ=وان قالوا الناس سابك قال مابيها
والاسهم النار مابقت ولا شويّه=والريح الاخبار تقفاها وتحميها
عشوا تهبادها مافيه حنيّه=ياقوم يا مشيها ياويل قاديها
لكن على خير والديره شماليّه=والباذر اليوم بادي في مفاليها
باكر تشوف الكما باطراف وسميّه=والناس تملى من النعمه مخابيها
ماهو بحولي وحول الناس خافيّّه=تبارك الرب منبتها ومنشيها
وياراعي الجمس بدلّها عروايّه=وخلك مع الناس حاضرها وباديها
اجمع عشا ليتك والزود خرجيّه=مع سجّة عصير تجميعة زبيديها
ماهو طمع عارفك يامرخص الميّه=ياطالب الرب ياسجد ضحاويها
لكنّها ونسةٍ مع زود نفعيّه=ياحلو الانفاع مع ونسة تمشيها
اكسب رضا النفس من ذيّه ومن ذيّه=قناعة النفس غايتنا ونرجيها
وبأختم القاف تاليّه وباقيّه=بسلام ياراعي الاسهم وقاريها[/poem]