شبابيـــك الولــــه ....

[محمد العايد]

مساء الشعر والمحبة

[POEM="font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]




طغى وجه الظلام ولا بقا وسط المداين نـور= آبطوي طاري وصالك وافل لبعدك شراعي

تعبت اسأل متى اشوفك وامد من الحنين جسور= تعبت اسامر طيوفك وانا واعي ولا واعي

تعبت افتح شبابيك الوله للموعد المهجـور=تعبت أشهق مع انفاسي أنين النـاي والراعي

تخيلتك مسارح شوق واحساسك وله جمهور= وهقيت اني بلحظة شاعرك وعيونك اتباعي

نشرت من الوفا نور ونثرت من الغرام زهور=انا وش ذنبي ان كانت حروفي تكتب اطباعي

أمد ايديني استـــنجد لقاك وخاطري مكسور=وتشر لي على فرقـاك وانت هناك وتراعي

حبيبي تذكر اوجاعي هاك اللحظة وانا مقهور=ترا للحين انا مقهور واوجاعي هي اوجاعي

بعد مااسقيتني كاس الجفا هم وتعب وغرور=بعد ماارويتني فرقا تجي تنشد عن اوضاعي

حبيبي مات لك وسط الحشا من غيبتك عصفور = عجز يلحق مداك ولا رضا يستوطن اضلاعي

وشعري ماعليه خلاف وديانه تسيـل سطور= مادام احساسي غيوم وسحاب ودفتري قاعي

ترى مالي حمل طعنة جديدة لعــن ابوه شعور = اذا ماطاعني قلبـي قسم للـويه بذراعي

يقولون الكلام فما مضى به للعقول قصور = واقول عقولنا من دون ذكرى مالها داعي

حبيبي كثـّر الله الف خيرك تسلم ومشكور = بعد ماذبلت ورود اللقا ذي وردة وداعي[/POEM]