هذا الهـوى ولاَّ الهـوا ..!؟

[سلطان الوثر]

قطعتين متواضعتين كالعاده






مالكم بالمَطَالع







هذا الضما اللي تكتب حروفه البنـت
................ تمسح عليَّ الما وتكتب : > [غبينـة]


هـذا الهـوى ولاَّ الهـوا لاتجنـَّـنـت
.................... ولاَّ الصبـا ولاَّ الصبـابـة لعيـنـة


هذا سراب او هو شراب ان تيقـَّـنـت
................... ولاَّ نظـر عينـي يغشّـه حنيـنـه


ياقلبي اللي كـل مـا كانـت وكنـت
................... طفلة وانـا صبْـي بْهذيـك المدينـة


أضرب وجودي لا ذكرت وتهيجنـت
................... واجرّهـا بيـن الأمـاكـن وبيـنـه


ميعادنا الصدفـة ليـا بانـت وبنـت
................ مثل القمر والشمس عينـه وعينـه


تـوَّ النظـر ماغضّـت ولاتشيطنـت
................ والليـل مانسهـر معـى ساهرينـه


واليوم يافجـر الرضـا يـوم أذّنـت
.................. متشفِّـق لطيـر الحمـام ورطيـنـه


العمر مايرجع .. وانا لـو توَلْدَنـت
..................... البنـت ماتذكـر ولـد فالمديـنـة

هاتي قناعي واخلعي عن قناعك

شوفي لنا لعبة تنسِّي وننسى

تكلّمي عن شي غير المحبَّة

هاتي لنا آراء غيـر القناعة


عطينا قناع

عطينا زيف

اودّك كيف

اودّك جن ولاَّ إنس
اودّك فكر ولاَّ ..

عطينا قناع


عطينا قناع يتكسَّر
عطينا اوهام تتحسَّر

عطينا قناع يتهندم
ولا يبكي ولا يندم

ولا تنشاف دمعاته
ولاتنعاف ضحكاته

عطينا قناع .. أشوفك بس ؟!

انا اتنفس ؟!

أنا اتكلَّم ؟!


أنا بس أكتبك وامسح
عرق هذا الحبر
وامزح
واسامح
وانمسح وادمح جروحي
وانجرح واسمح


عطينا قناع

اودّك كيف


عطينا قناع
انا مشوَّه
ولو شفتيني مفوَّه

عطينا قناع اودّك كيف


عطينا قناع .. انا مجروح
وصوتي منخنق مبحوح
وجفني منعصد منساح
وعيني سَكبها طفـَّـاح


عطينا قناع

عطينا زيف

اودّك كيف

اودّك كيف

اودّك كيف .؟