من هو كفو عقبك يجي يحتويني ..!

[عيسى خلف العنزي]

لكم .. لها .. للووقت .. للدنيا .. للحياه .. ولكل شي ..



وقتي تحداني و وقتك تحداك
لذا اسمعي ابياتي ومعها افهميني

لا ترسميني في خيالك وذكراك
خلي خيالك يبتعد لا يجيني

لاتحتريني اضوي الليل وياك
نوري طفى نامي ولا تحتريني

لاتاقفين من الوله عند شباك
انسي ملامح جيتي واعذريني

لاتسأليني عن سبب يبسة شفاك
شوفي غيومك حاولي ترتويني

احيان احس بداخلي شي يضماك
واحيان احسك داخلي تجمعيني

واحيان اطيح وانكسر اتحراك
واقول وينك..! قربي احضنيني

احيان اشعر أخر الليل ابلقاك
واقف وامد لهالفضى راحتيني

واتخيل انك واقفه عني هناك
والمح بعينك دمعتن تحتريني

واحس كن دمعتك في عيني اشواك
واجيك وامسح دمعتك في يميني

واتخيل انك ساكته ما اسمع حكاك
واقول وينك قربي كلميني

واتخيل انك ماشيه تبعد اخطاك
واسمع صدى قلبي يقول اعتقيني

ما في امل انسى جميلك لو انساك
يومك خذيتي دمعتي من يديني

ما اجمل من الدنيا اذا حل طرياك
الا اني اشعر في غيابك تجيني

عندي سؤال لهالبشر بعد فرقاك
من هو كفو عقبك يجي يحتويني ..!



.
.


اخوكم : عيسى العنزي ..