دهشة النار الأولى
ماني بشاكي عليك الجرح يا خلّي
في غفلة النور كلٍ نام بجروحه
وش يدري النار عن حزن الفراش اللّي
ياما على جالها هام و رمى روحه
تحرقني الشمس و افرش فالثرى ظلّي
لومي عليك انت ، نار الشمس مسموحة
تركت قلبي معاك و لا انتبه كلّي
لا تضمن أن الجدار بيفقد اللوحة
قوم افتح الريح لأبواب العتب ، خلّي
حزني يهب أوضحه و يبرر وضوحه
صادق مثل دعوة أُم و نيّة مْصلّي
غارق مثل قلب صبّ و عين مجروحة
الدمعة اللي ورا توديعها " ذلّي "
لا هي بمستورة و لا هي بمفضوحة
في غير موسم حصاد ، الدمع متدلي
كل الخيارات قبل الدمع مطروحة
في وجه الأيام شفت الصمت متجلّي
من صيّر القلب للخيبات مرجوحة؟!
لو العتب يرضي المخذول و يسلّي
ما شفت قلب الطروب ينام بجروحه
آخر المشاركات
11-21-2021, 03:10 PM
دهشة النار الأولى
العرض الشجري