إنشطار-في جدار الذاكرة

[صالح العرجان]

المشاركة الأصلية كتبت بواسطة عبدالرحمن الحربي

يارحيق الورد لا لا ياحياته واكسجينه ،
من سوالفها قصيد ومن تبسّمها(ا)معزوفة ،

لو تمرين الأماني والمواني والسفينة :
أو تمرين الفؤاد اللي لعبتي في رفوفه :

مالقيتي غير قلبٍ كلّه اعذارٍ سمينة ،
إنتصاراته بخوفه والهزيمة من سيوفه ،

كنت يونس عفوًا أقصد كنت ظل الـ ياقـ طينة ،
كنتِ المَاءَ الزِلال العذبْ لو ما بلْ جوفه ،

إيه حنّا أحرار لكن تبقى أمانينا سجينة ؟
والقمر شعره طويل ومانشوف إلا خسوفه ،

وييين يأنَس ؟ من فؤاده لِاحتمالاته رهينة؟
لافتح للشمس بابه ، ألظلام أوّل ضيوفه !

ماهي (ا)حكاية غريبٍ ضيّع دروب المدينة ،
لا ولا حتّى مدينة تنتظر عازف حروفه ،

من يلوّح للمسافر بالهداية والسّكينة ؟
ماتشوفين الغريق اللي به تسولف كفوفه ؟

فيّ فؤادٍ مرّه الشّك وتعشّى من يقينه ،
من تصادم مع خياله ، من تعثّر في ظروفه ،

هل طبيعي هالفؤاد يكذّب اللي تشوف عينه ؟
أو طبيعي أن يُصدّق شيء عينه ماتشوفه ؟

ألتمس للقلب عُذرًا ليت مثلي تعذرينه ،
والله إن المؤمن أصلًا وش حياته دون خوفه ؟
،

عبدالرحمن

هسيسُ حرفك يطرب

ماتع / عذب / وأكثر

صح لسانك