جسد الشمعدان

[محمد السالم]

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يا صاحبي أرفع دلالك وخلنا نقوم = بنغير الجو ذا ؛ إن ماتركنا المكان

علوم بعض الاماكن والله انها علوم = يضيع فيها مداك وتفتقد لتّزان

تُحاول إنك تفلت من قديم الهموم = لكن بعض الاماكن غارةٍ يا فلان

كُل الاماكن بكوم ؛ وذا مكانٍ بكوم = هذا علومه علومٍ يالله المُستعان

اثر الحزن لو تباطا ؛ عاد وثّره يدوم ! = وأنا احسب اني نسيت السالفة من زمان

من بارحتنا ؛ خيالي فيه ذكرىٍ تحوم = اسرارها موجعة ؛ وانفاسها احتقان

تشط بي ذاكرة ماهي تعرف السلوم = تسوق فنجالها وتقول أشرب كمان !

آحيه من شوحها كنها عمود السموم = كنها تأشر عليّ ؛ بعيونها والبنان

رعديد منها خفوقي ؛ فاقد للعزوم = اقول له اصطلب ؛ ويقول ياخي جبان

يا صاحبي ايش ننطر ياعشير القروم ؟ = ارجوك تنهض تراني مخطر بالجنان

لا تقول مثل المثل " تضيق عند الرخوم " = ياخوي راعي المثل ذا ؛ عايشٍ في امان

ماتشوفني يا خويي ضايق بالهدوم ؟ = هدوم ستري فتيلة ؛ والجسد شمعدان!! [/POEM]

/

\

/

\

تـمّـت