فلسفة شاعر (مصافحه اولى)

[وليد بن مسعد]

اعضاء هذا الصرح الشامخ

السلام عليكم ورحمه الله وبركاته

ها أنا اضع بين ايديكم هذه المتواضعه التي اتمنى ان تنال على اعجاب ذائقتكم

اترككم معها:


لولا الخطا ماعرفنا قيمة الصح زين
ولولا الخطا مانزلنا الارض عقب شجره

انا عرفت انني مخلوق من ماء وطين
بس الكبر في قلوب البعض يامكبره

لو كنت ابرحل ليا من شفتهم راحلين
ماكان لي شور لاشفت الخطا بشهره

مانيب من راح ثم عود بخفي حنين
احوم حومة عقاب بدرب يامخطره

احيان احس ان شعري مختفي لو يبين
واحيان احس ان شعري فيض من محبره

واذا انذكر طاري العزه وفعل اليدين
بعض العرب تنزل دموعه لفرقا مره

يرفض شموخي عذابي من قديم السنين
لكن نفسي على ضيم الزمن مجبره

اجامل الناس واغطي الالم والانين
واذا انكسر قلب لابد الزمن يجبره

مليت من غربتي في (داري الهم) لين
اصبحت للحزن ودروب السهر مقبره

ليه اصبح الحزن فينا مختصرنا مابين
جرح(ن) قديم(ن) وثقل(ن) صعب مانقدره

شفني ياهمي احاول ابتسم بس وين
وانا اعرف ان الفرح ميت وقمت اقبره

اصبر الحال والقاسي مصيره يلين
وعلى ضفاف الامل طريقنا نعبره

السالفه صرت لاحزاني وهمي مدين
وماعاد لي غير حزني لو بغيت اخسره