زعيم الجن

[عبدالعزيز سحل]

الي هذا الحلم الذي مازال يلازمني حتى لفظ انفاسه الاخيره
الى مارد الشعر العظيم 0 رفيقي في حلى وترحالي
الى من كسر قاعدة المستحيلات والغى المستحيل الثالث
الى سيدي مع التحية
[poem="font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]طرف حلم يراودني صحيت ولا قضـى عمـره=رسخ بالذاكره واعلـن بدايـة مولـد حروفـه
تنفّس صبحي القادم وعسعس صاحب السمـره=وانا مابينهم اشكي غموض الوقـت وظروفـه
سكرت بنظرت الجادل قدرت اثمـل بـلا خمـره=جدايل شعرها الصافي يدغـدغ نفـس ملهوفـه
خدود تسلب العاقـل بيـاض يخالـط الحمـره=عيونٍ تذبح الفارس بجيش رموش مصفوفه
هنوفٍ جدها السابع زعيم الجن في عصره=عظيم توقف الجـن لشموخـه لحظـة وقوفـه
وابوها سـادة مثلـث برامـودا تحـت أمـره=حقائق غامضة تمت طلاسـم غيـر مكشوفـه
واخوها لادخل بالمعركه راهـن علـى نصـره=شجاع من اخمص اقدامه الين اصابـع كفوفـه
دخلت بشبه غيبوبه عشيق طـاح مـن نظـره=تبع من يعشـق بغبـة دهاليـزه مـع اكهوفـه
سراديب بدهاليز ودروب ٍ مظلمـه عسـره=يابنت الجن معشوقك من اسبابـك فقـد شوفـه
دموع الـذل بعيـون العشيـق تولّـد الحسـره=وعين تعشق الجـن الخيالـي عيـن مكفوفـه
ليامني نويت امشي وطت رجلي علـى جمـرة=ليامني نويت اجلس لقيـت الفـرش محذوفـه
عجب حتّى النخل جيت لشموخه طالبـه تمـره=لقيت العجـز متهـاوي بـذل وشـح معروفـه
عجب حتى الصبر جيت ولقيته فاقدٍ صبـره=عجب هذا الزمان اللي يموت الخوف من خوفـه
عجب حتى البحر جيت لشموخه طالبـه قطـره=بخيل ماقـدر يعطـي همـاج المـي لضيوفـه
جرفني موجـه العاتـي لعبّـي مـدّه وجـزره=غريق يمسك القشّ بيمينٍ شبـه مكسوفـه
نشلني مارد الشعر وعطانـي سلطنـة شعـره=منحني سيله العارم جيـوش وخيـل معسوفـه
حذف بي داخل الميدان واسرج لي ظهر مهـره=كساني درعه الواقي وعطاني اشطـر سيوفـه
مسكت السيف باليمنى عديم ٍ بايع ٍ عمره=وجيت لحلمي الارعن ركزت السيف في جوفـه
ولكني رغـم هـذا قعـدت ابكـي علـى قبـره=لانـه اسـس بقلبـي بدايـة مولـد حروفـه [/poem]


صوتيه هنا

http://www.zshare.net/audio/6016131877f08920