انا في داخلي انسان أليم الجرح يصحى به
......................وانا في دنيتي مسكين مابين الهم والثاني
افضفضها مع الاشعار حزن وهموم تتشابه
......................وتلقى بي من الحيره عجب ماهوب ينساني
انا من عادتي احكي وكل الجرح يحكى به
......................واشوف الحزن بالدنيا صديق ٍ واوفي خلاني
تعلمت الوفاء انه صديق لناس حبابه
.......................يعلمني واتعلم من اللي برفقه اوفاني
حديث الروح والغربه ماغير الوجد نادى به
.......................انا ألقاه ويلقاني في ليل ٍ معتم ٍ جاني
وتراني ماقويت إلاّ بوصل قلوب غيّابه
.......................تغيب عن الملا وعني والقاها وتلقاني
ياصفوة حبنا الباقي ياكل الخير وابوابه
.......................يــ / خلد ٍ في ثرى قلب ٍ تولع حيل خفقاني
انا مافي يدي حيله اناظر حتى سبّابه
.......................لأن الوضع مايسمح أشوف التوت رماني
سديم الحال في وقتي وفيّ لبعض أصحابه
.......................سديم ٍ ليته يلقاني بخير ٍ قبل ينعاني
زهمت الصحب والأخيار زهمت الحزن وأسرابه
.......................زهمت الشعر في روحي ألينه فز ناداني
اقول الشعر حيث الشعر يحلى له ويحلى به
.......................غشاه الحس هالمملوح جميل القد روياني
جماله يابشر آيه وكل الوصف يزهى به
.......................كأنه من بلاد السند أو هذيك الأوطاني
ترى سويت بك ابيات مع الأسراب جذابه
.......................هديه للملاك اللي عيونه عين شيهاني
يــ / أحلام الهناء وشلون دروب الحب غلاّبه
.......................تخلي من غدير اليّم يصير بيوم طوفاني
جنون الشوق في صدري تولع مثل شبابه
.......................ينور للملا هالدرب ويصبح حيل سجاني
ترى إنتي بداخلي حره مدينة وسطها غابه
.......................وفيها مسكنك عندي وفوق الغير علياني
حروفي من حلى إسمك مع الأثير هبابه
.......................يمكن بس تلقى لك بريدٍ أو هو عنواني
وتقبلوا جلّ إحترامي
عبدالعزيز الرقابي
آخر المشاركات
10-02-2009, 01:20 AM
][ أنا في داخلي إنسان ][
العرض الشجري