يـا جـاره

[محمد الزويد]

السلام عليكم و رحمة الله وبركاته


[poem=font=",5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
من سطوح الغرام اللي جمعتنا يوم يا جاره=رسلت اغلى مراسيل الخفوق و جيت لك شاري
طرقت الباب و الخفـّاق جايب لك معه بشاره=تعالي و اسمعي وش قال قلبٍ دندن اوتاري
يبي يوثـّق لك احساس ٍ عزفه الشوق بأوتاره=و يكتب بالوفا عقدٍ على طول العمر ساري
وصفتك والقصيد لروعتك ما تكفي احباره=لأن انتي كثير احلى من اللي قلت بأشعاري
على كثر العذارى البيض ما قد شفت نوّاره=ابد ما غيرك انتي بس صبيّه تلفت انظاري
انا اشهد صابت الغيره بناتٍ تسكن الحاره=يمدحون الحلا بك بس و غيرك ماله أي طاري
واذا جات السوالف عن جديد اللبس و اخباره=شغلهم حلو ملبوسك لأنه يجذب اجباري
اذا غيرة بنات الغيد صارت تجدح شـْراره=اجل ما ألوم قلبي فيك لو جنّ و لي اعذاري
خجلك و لمسة خدوك / حلاك و باقي اسراره=دلعك و حمرة شفاهك و عين ٍ تروي انهاري
أمر البيت كل ليلة سهر و اكتب على جداره=احبك مووت و افهمها عساك انت الذي قاري
ادور بكل صكيك الحي يمكن نلتقي تاره=غريبه من الصكيك بْـجد ما جابت لك اخباري
متى يا زين نتوالف تحت سقفٍ بنى ادواره=اشوفك كل حين و حين وانتي ورده بداري
[/poem]