بـوح الأسـرار

[محمد الزويد]

السلام عليكم و رحمة الله و بركاته


[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ان ضاق صدرك ودك تبوح الاسرار=اعرف ترى هالناس اضيق صدرها

لا تشتكي هم ٍ كبر فيك وان جار=ستر الهموم اخير ترى من ذكرها

من شاف غيره في عنا الضيق ينهار=هانت عليه مْـصيبةٍ يحتقرها

بيشوف وشلون الصغاير غدو كْـبار=لا طاحت الجـرّه و بيـّن كسرها

المخطي ان جالك مع حسن الاعذار=سامح خطا الزلات و اكسب اجرها

والزله اللي تـْكررت عدة امرار=الذنب فاضح و احتشم عن عذرها

والديره اللي جوّهـا عج و غبار=ما تمنع ظْروف اهلها عن هجرها

والنار جايز تضمر بْـحكّ الاحجار=لا تستهين بْـذات تجهل قدرها

والحايط ان كان اهدمه عود مسمار=وشلون تامن هالبيوت بْـسترها

الشر طاغي ما عطى الخير مقدار=والا القلوب الطيـّبه يا كثرها

واصعب سؤال اللي يبي منك تختار=لا صار حل المسأله يختصرها

من يتبع الشهوات لابد ينهار=احفظ قدر نفسك لجل ما تضرها

كل أزمه و تعدّي مع جهد واصرار=واقلع فروع المشكله من جذرها

وان كنت من سبّـة بلاويك محتار=لابدّ يوم بْـتنفرج و انتظرها

الصبر لو هو مانـْفعك ماهو بْـضار=للنفس طاقه واستعين بْـصبرها

الحظ فوْجيه المقاريد غدار=لو تبتسم يطلبْـك تدفع سعرها

وش مكسب المنحوس من عدّ الاصفار=غير الشقا و هموم يكبر كسرها

الله يعين اللي عليه الزمن دار=ضاقت به الدنيا و عاش بْـعسرها

لا تشتكي للذيب عن هجعة النار=ترى المصايب ما ينومس ذكرها

وان ضاق صدرك بْـسبب شِين الاخبار=بعض السوالف لا يهمك أمرها[/poem]

 

[ندى القحطاني]

:: // ::
{ يا مساء النرجس على روحك الشاعريه يا قديرْ ..
نصائح ثمينه .. لا تُقدر ب ثمن !!
نعلم يقيناً أن الجميع غارق حتى النُخاع ب همومه وعذاباته وجراحاته !!
ولكننا لا ننفك عن الشكوى .. حتى بات الأغلب يعتزل الناس بحجه :
اللي فيني مكفيني !!
ولك ما العمل .. وبوحنا المُنهك قد ضاق ذرعاً ب زنزانه صدورنا
ل يُعانق الحُريه _ او هكذا خُيل له _ في قلوب الغير
ف إن كان صديقاً .. حزن لأمره ..
وإن كان عدواً .. تشمت به ..
وكلا الأمرين سوء !!

نصائح في الصميم .. سطرتها حبكه + تجربه شاعر يتخذ الصدق عنواناً ل قافه
شكراً على الدُرر
ولا عَدمْ .. } ..

 

[محمد الغشام]

:

:

محمد الزويد

دائماً ..تمسك زمام الشعر بالحكمه ..وتوقدها بجمال روحك الطاهره
رسمت لنا الأسرار ..بمفتاح الأعذار

صدقاً : دائماً ما تطربني بـ شعرك الجميل والرائع
شُكراً لك

 

[عهود الحمد]

عذُوبه حدّ الثماله ..
رائع وأكثر شاعري ..
باركَ لك الرحمَن ..

ورود جوري .. طبَت

 

[فيصل الحلبوص]

محمد الزويد

نص يدل على الوعي الكبير الذي بك
وضعت مسارات بـ شعرك يسلُكها من تتبع أثر إحساسك فـ يكون بـ آمان

شكراً للشعر
ولـ الوعي الذي قرأناه بك

 

[خالد العلي]

.
.
محمد الزويد

الشاعر العذب والرائع
هذه تجربة من تجارب جما
وستبقى هذه التجربة زمنا طويلا
لما فيها من النصح .!

قرأتها مرتين
بقلبٍ واحد

صح فكرك ولاهنت

دمت بوافر الصحة
والخير

 

[حمد الأسمري]

محمد الزويد

مساؤك بهجة

نص ينبض بالحكمة والمُثل ويغذي فينا قيما ً جميلة

بكل الحب والتقدير

كان مروري

فتقبله

تحيتي وتقديري

 

[حاتم منصور]

الحكيم الشاعر
محمد الزويد

لله درك ولافض فوك
على هذه الحكم التي نحتاج لها
في زمن أصبحنا لا نجد فيه من يسمع بث شكوانا
ألف شكر لك كبيره تليق بحجمك وحجم هذه المعلقه

دمت بهذا الألق

حـاتـم