(صباح = مساء)
:
[poem=font=",6,firebrick,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
من اول ايام غيباتك.. ولك وحشه = واليوم وحشه.. ولكن شكلها ثاني
وحشه وتأثيرها في خافقي : رعشه = وان جيت اسولف بها.. تعذّر لساني
ياللي معك أجمل الأفكار.. مندهشه = أخذني الشوق لعيونك.. و وداني
الروح من كثر مااتخيّلْك .. منتعشه = تغني لك الحب .. كلماتي وألحاني
والفكر لاجيت ابنسى يسبق الرمشه = يروح عندك وياخذ وقت ماجاني
أرجوك ياصاحبي.. درب الغرام اِمشه = وانا اوعِدك قبل نصف الدرب تنصاني
وانصاك .. واهمس لك بْكلْمات.. مرتبشه = أحاول اني .. أترجم نبض وجداني
واذا التقينا .. واصابع يدْك مرتعشه = في وقتها عاد .. دوّرني.. وتلقاني
أغلى فرح في حياتي معتلي عرشه = تلمع دموع الفرح.. في داخل اجفاني
متى يموت الفراق.. وينحمل نعشه = وادفن معه قصة احزاني .. وحرماني
واعلمك وقتها .. وش طاري الوحشه = اللي مثل ماذكرته : شكلها ثاني ..!
[/poem]
،،،
![نقره لعرض الصورة في صفحة مستقلة](images/icons1/icon20.gif)
نايف الرحيمي
12/2010