[poem=font="simplified arabic,4,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
وش يفيد الحلم...لاعـمّ الضبـاب!=وش يفيد الحـب لامـات الحنيـن؟
وش يفيد العمر ...من طرقه لبـاب=صكّ مـن دونـه خيـالات السنيـن
القهـر مـن دون شـكٍ بالغـيـاب=يالغيـاب اللـي تعفـر بالجبـيـن
لايـروح الليـل والنجمـه تُــذاب=ولايجي هالفجـر ...ويزيـد الانيـن
ولايشع الصبح ..من قبـل المتـاب=قبـل مايجمـع شتـاتٍ مستكـيـن
وش بقى لاستدركت كـل السـراب!=اليدين ..وخدها فـي كـل حيـن !
وش بقى غير الورق ماعـاد جـاب=غير طاري من سكن حبـر المُبيـن
من شعور الوجد | من عمق الصواب=من شتـا ليـل المدينـه ..للوتيـن
لويهيم الـدرب ..ويضيـع الجـواب=أو تقـوم افكـار ذهـن الحائريـن
بالسـؤال اللـي تشتـت بارتيـاب=عن شواطي ضمها الموج المهيـن
ولو غشى هالحلـم اثـار الضبـاب=بكتفـي بالعيـن لاهلت...يبـيـن!
[/poem]