وجــع مـسـعــو و و و و ر ر ر ر

[عبدالله سعيد]

:

:


أجد حرجا كبيرا بعد هذا الغياب , ولتعذروني أحبتي ,


إليكم :




:

:


للأستاذ الشاعر / مشهور واصل
وللجميع أيضا

وجع مسعووووور


[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الصبر وين الصبر يـا مشهـور=الصبر طـال وقصـرت امالـه
لا الأرض أرض وللشعور شعور=غربـة وطـن وشعـور قتالـة
وهـم يناحلنـي كمـا الـدبـور=لا شق صمـت النخـل وظلالـه
يلسع ضميـري لسعـة الباكـور=ويحـدنـي للـبـاب واقفـالـه
يابو فهد والـدور نفـس الـدور=والحول نفس الحـول واحوالـه
تمـر قافلـة اللـيـال دهــور=والنـاس تتغيـر وانــا دالــه
أزعل واخاصم وانفعـل وآثـور=واشيـل هـم الغيـر واكتـالـه
وانا لـك الله موطنـي مهجـور=تتزاحـم الغـربـان باطـلالـه
احيـا معـك واحسنـي مقبـور=واموت وانـا حـي يرثـى لـه
واحس في صدري وجع مسعور=ينهـش دفـا عظمـي ويغتـالـه
يشدنـي لأرضٍ يبـاب وبــور=لـكـن فــال الله ولا فـالــه
ياليـت ماللحلـم سقـف وسـور=ولا وطـن وحــدود ختـالـة
يمديني اسبح فـي فجـاج النـور=وانفـض رمـاد الهـم واغلالـه
يابحـر ياللـي تنقـل البـابـور=الخبـت ضـاق بعجـة رمالـه
تظلم شبابيـك القـرى والـدور=غنـت مـن الاحـزان زومالـة
والوقت يمشي والزمـان يـدور=وقلوبـنـا للطـيـش مـيـالـة
وش لون اباصبر والعروق تفور=مثـل القبـس لا فـارت ادلالـه
من وين ابلقى صبر يـا مشهـور=الصبر مات وموتـه اشـوا لـه
[/POEM]
:

:


تحياتي لأبعاد الكلمة والإبداع