اســراب الطـيـور

[عيسى غالب العنزي]

[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
اللـي يسمونـه حـزن مــا جـفـل اســراب الطـيـور=ما دام اقصى همهـا تملـى الحشـى قبـل الغيـاب
لادرهمـت شمـس العصيـر.. ودنقـت بيـن الثـغـور=مـا تخلـف الميعـاد.. لوغـدت مـا بـيـن نــاب ونــاب
وان عـودت لأعشاشهـا .. مـا مـرت بنقـطـة عـبـور=ما شالـت همـوم وعتـب ودروبهـا.. كبـد السحـاب
وانا .. لي اللي ما رجيـت غيـره الفـرد .. الغفـور=يهـون جروحـي قبـل لا ذوب فــي وســط الثـيـاب
البارحـه ليلـي سهـر.. واطـلالـة افـكـاري شـعـور=اقـل مـا يمكـن يكـون شـي مـن طعـن .. الـحـراب
ودانـي اطـراف الهـلاك وحطنـي خـلـف البـحـور=لـكن تـوسـمـت الـعـفـو بالله عـــن درب الـذهــاب
مريـت فـي كـل الظـروف وعقـرب السـاعـه يــدور=سهـران ليـن اخــر نجوم اللـيـل ودعـنـي وغــاب
ودعيـت مـا دام الصبر..اجمـل علـى عـزم الامــور=ما همني لو كان اشوف الدرب من خـرم العـذاب
واقول ما دام الشعر .. صاحب وفي شهم وغيور=مـن يـوم خاوانـي وانـا مـا بيـنـي وبيـنـه حـجـاب
اللـي لـيـا مـني دعيـتـه جا..تـواضـع مــن غرور=كنـي بريتـه من بـنـات الفـكـر ..سـددتـه وصــاب
اجيب من جمر..الهجوس وضيقتـي عـود وبخـور=وارفـع مقامـي عـن مقـام اهــل المـلامـه والعـتـاب
يالله تقدرنـي علـى دربـي وانـا.. طبـعـي صـبـور=مثل الجمل لامن برك للحمل مـا يحسـب احسـاب
اعـوذ ..بـك مـن غامـض العلـم وتناهيـت الصـدور=مـن شـر ..حاسـدن مــا تمتـلـي عيـنـه الا..تــراب
علمـتـنـي مالم اكن اعـلــم..لآن( الـعـلـم نـــور)=واسقيتنـي مـن فضلـك اللهم مـن عـيـن الـصـواب
صحيـح مـن غـدر.. الزمـن والآلسنـه دمـي يـفـور=كـنـه قدور الأجــودي لا نـوخـت حـولــه ركـــاب
لاشـب نـار .. وزمجـرت ترحيـب بـطـوال الشـبـور=يـوم الـردي مـا همـه الا الهرولـه خـلـف الـسـراب
ما دام عمره ما نبت عرق اخضر بروس الصخور=المجـد مـا يعطـى لمـن قفـل مـن دون الطيـب بــاب
لـذا قنصـت ومـا معـي الا .. عديـم مـن الصـقـور=عقـب البطـى كنـه يقـول اليـوم بـس الجـرح طـاب
مـديـت لــه كـفـي تنـهض والتـفـت لفـتة جـسور=اومـيـت له بـيـدي تولم وابـتدى جـــز الـرقــاب
اليـن واريـت الحـزن والضيـقـه بـجـوف السـطـور=وعـودت مـع دربـي وقنـاص الفلـس يطـرد غـراب[/poem]

عيسى العنزي