فنار الروح

[عبدالناصر السديري]

اقتباس:
المشاركة الأصلية كتبت بواسطة خليفه الصائغ
الى امي :

ماشي قوافي وﻻ مشاعر وﻻ ابيات
لانك عظيمه ما يكفيك شعري

و ماشي هدايا طيبه او عطيات
تجزي مقامك يا بعد كل عمري

يفداك قلب(ن) خط دمه عبارات
بحروف اسمك صار عزه يصري

دمتي فنار الروح وصدري لك يبات
يعزف موسيقى وانتي في عرش صدري

يالمدرسه العظمى ف كل المجاﻻت
افرش كفوفي ودي احوز اجري

اطهر علاقه بين كل العلاقات
مابين طفل وام في وصل سري

واصدق وصيه سمعتها ف الوصيات
وصيه القران لو كنت تدري

واسطر ابيات(ن) عليها اضاءات
معيارها ينزل على الناس يثري

يمه يثور الشعر م القلب مرات
هيهات يكفي قدر حبي وفكري

صج الدفى ياتي فهالكون فترات
ويدفى معه من كان ناوي يذري

اما دفاك انتي على كل لﻻوقات
يدفي عظام الجسم من قبل زفري

يمه فداك الدم والروح والذات
يا الشامخه تاج ن على الراس تطري

تعجز حروف الشعر وكل الكتابات
في ذكر افضالك من عهود صغري

ماشي قوافي وﻻ مشاعر وﻻ ابيات
لانك عظيمه ما يكفيك شعري

خليفة الصائغ



خليفه رائحه الاصاله في قصيدتك يا مبدع
الأم لا توفيها القصيدة وعظمتها
لكنها أداه للكتابة وتقول ما لا نستطيع قوله في لحظات إلا شعر ..
مبدع يا خليفة