السلام عليكم ورحمة الله وبركاته ،،
بعد غياب طويل ،، أقدم لكم قصيدتي هذه مع باقة ورد لكل العابرين ،،
.................................................. ...................
//
،،
يا صاحبي: لا تغرك ضحكتي، والصواب
ماهي بضحكة سعادة ،، بس ضحكة تعب
من خــلــي اللي يغيب ولا يعرف الغيـــاب
أشـــد في خـافـقـي مـن وقـع سيفٍ حــدب
غـروٍ ليا ذوّبـت شـمـسـه ظـلام الحـجـــاب
تشرق ،، وعقد الكواكب حولها مـن ذهــب
يلعب مع الريح، ويـنـاديه صوت الســراب
ويـصـدقـه ،، لـو ثــلاثـــيـن الــف كـــــذب
ينثر جـديـلـه ،، نـسـيـم الصبح من كل باب
يعزف على كـل خصلة ترتمي لـه طـــــرب
في خــــده الــورد، والتوت بـشـفـايـفـه ذاب
وعيـونـه الـذابـلـة ما بـيـن جـفـن وهـــدب
من ضحكته، تضحك جبال القـَرى والهضاب
والخوخ يـرقـص بكـفّـه، والكـرز والعـنـب
تحضنه شمس الشتا، لا اقبل وبـرده عـــذاب
حتى الشجر يكسـر غصونه وساقـه حطب
رهـيّـف القـلــب ،، حـتى مـن ظـلالـه يهــاب
حنـيّن ،، ويذرف الدمـعــة مـن ادنى سبب
لا تخـدعـك سـطـوتـه بـيـن اصـدقـاه القــراب
تـرى خـفـوقـه رقيق ،، ولـو تشوفه صعب
شـقـاوتـه: شـيّــبــت راســي لـو اني شبـــاب
ومـيـاعـتـه: فـشـلتـنـي بـيـن روس العـرب
كـنـت آتـبـشــر بـشـوفــه ،، والـعن الاكـتـئاب
واطفي بدجـلة شفاته ،، نار ضيق وغضب
إليـن مـا صــد ،، واثـقــل كـاهـلي بـالعـتــاب
تــزيـدني كــل خـطـوة في رحــيـلـة عــتب
وانــا عـلـى كـثـر مـا شقـيـت بـحـر وعبـــاب
ودروب من نــار ،، وتـنفست فـوح ولهب
و على كثر مـا كـسـر سيفي جمود الجـــراب
وانــســلّْ فـي كــل وقــعــة دمـهـا للـركــب
وانـا ولا شـعـرةٍ بـي ،، حـركـتـهـا الصعــاب
ولا هـزني دكّْ حرب وضرب رمـح وخبب
مـا هـزني غـيـر هـجـرانــه ،، ورب الكتــاب
اللي ليـا مـن تـغـالب مع عـزومي ،، غلب
مـن يــوم مـا شـال ذكــرانـا وســاق الركــاب
مـا عـاد عـنـد المـدامــع ،، هـيــبـةٍ للشنـب
ما طاب جرحي ،، ولو قلبي من الحب طــاب
ولا جفّْ حزني ، ولو دمـع المحاجر نضب
مـا يـجـبـر القلب، لـو حـالي مـن البعد شـــاب
إلا لـيـا مـن ذكــرت انــه قدر ،، وانـكـتـب
//
إلا لـيـا مـن ذكــرت انــه قدر ،، وانـكـتـب!!
إلا لـيـا مـن ذكــرت انــه قدر ،، وانـكـتـب!!
إلا لـيـا مـن ذكــرت انــه قدر ،، وانـكـتـب!!
آخر المشاركات
12-02-2016, 02:11 PM
عودة: يا صاحبي !!
العرض الشجري