تعال واكتب حالتك/لحظتك شعراً ..!

[عبدالله السهلي]

والبارحه مثل السنه .. تجـارب ووقـت وفصـول
عطت ضميري مـن دروس الوقـت مالـم يطلبـه
زلة خوي ّ .. وطعنة صحيب .. وتشمّت من عذول
ياااكبرها في حـق مـن يفخـر بفعلـه وشنبـه
تطلّـع الرجّـال مـن طـوره وتدخلـه الـذهـول
مابين يصدّق ما حصل !! أو ما حصـل يكذّبـه !!
لا بارك الله في النوايا البيض لاصـارت تحـول :
من دون عرفـك صـدق نيّـة صاحبـك ومذهبـه
لكّن .. دامك محترف يـا صاحبـي دق الطبـول !
حاول تلاقي لك مكان بخلـف ظهـر المطربـه !!
ما عاد لك عنـدي .. مقـام ولا مـلام ولا قبـول
وجّه على حظك (ركايـب لـوم نفسـك) واندبـه
ويا صوتي المبحوح .. ساعدني آباغني واقـول :
شي ٍ وقف لي اسهلـه ! قـدّام افكـر باصعبـه !

للشاعر محمد جارالله السهلي

 

[صالح العرجان]

ضميان من مثلي من الناس يضمى
................ وانا على احلى الينابيع ( حارس )

البدر

 

[عبدالله السهلي]

يا هاجسي عطني من الشعر مصفوط
قاف" مهوب آيات شاعر يجيبـه


سبك ـالذهب صافي ولا فية مخلوط
و لا كل من حاول تجي من نصيبـه

للشاعر سلطان بن عبيد أبو ثنين

 

[صالح العرجان]

ماتمـوت المحبه لو يطول الغياب
آنت موطنك فكري منت عابر سبيل .. ؟!

 

[عبدالله السهلي]

علمتني يا صاحبي معنى الكتابة والحروف
علمتني وشلون اخط الحبر من فوق الورق

علمتني أن القلم يضرب كما ضرب السيوف
فالحالتين يصيب قلب الخصم لآمنه زرق

منقول

 

[عبدالله السهلي]

ما يغث القلب غير الجاهل المتعلم
تحسبه فاهم ولن دار النقاش تعافه

منقول

 

[صالح العرجان]

آضحك على دنيآك بآلعسر وآلهون .
وآللي يصيبك صآب غيرك صوآبه ..

ولو آلبشر مآهم مع آلوقت ينسون .
مآشفت بين آلنآس ضحك و دعآبه ..؟!

 

[عبدالله السهلي]

الطيب يثمر فالرجال المناعير
سيفٍ على جور الليالي تسلّه

هذي مواريدٍ وهذي مصادير
يافاعل المعروف جوّد محلّه

منقول